1 ŴaKaronga 19:3 - Tonga Bible 1986

³ Sono wangofyerwa, ndipo wangusoka ndi wanguruta kupozomoska umoyo wake, wanguza ku Beresheba, waku Yuda, ndi wangusiya mteŵeti wake kwenikuwa.

1 ŴaKaronga 19:3 ပူးပေါင်းရင်းမြစ်များ

Chiyambo 21:14

Viyo Abrahamu wangusoka ndi mlenjilenji wanguto chiŵande ndi thumba la chikumba cha maji, wanguvipaska kwaku Hagra, wanguŵika pa phewa lake, pamoza ndimwana, ndi wangumutuma kuti warutenge. Ndipo wanguruta, ndi wanguyingayinga mu bozwa la Beresheba.

Chiyambo 21:31

Chifukwa ichi malo gha ghangudanika Beresheba, chifukwa penipa ŵaŵi viyo wo ŵangurimbira rapu.

1 ŴaKaronga 4:25

Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

Chituwa 2:15

Penipo Farao wanguchivwa, wapenjanga kubaya Mosese. Kweni Mosese wanguthaŵa kwaku Farao ndi wanguja mu charu cha Midiani; ndipo wanguja pasi pafupi ndi chisima.

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

Mateyu 26:56

Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.

2 ŴaKorinte 12:7

Ndipo chifukwa cha mtaruliro wa mauvumbuzi gho, mwakuti ndireke kujikwezge pachanya ndi kujikuzga, kungupaskika kwaku ine urwirwi wakupweteka mu liŵavu, nthumi yaku Satana yingundipuma, kuti ndireke kutumphulika ukongwa.

1 Samuele 27:1

Ndipo Davidi wanguti waghanaghana mu mtima wake wanguti, “Ndifwenge zuŵa linyake ku janja laku Sauli; palivi so kanyake kamampha kwangu kwakuruska kuti ndithaŵiye ku charu cha ŵaFilisti; mpaka po Sauli wavukenge kundipenja mukati mu mphaka za ŵaYisraele, ndipo ndikapozomokanga mu janja lake.”

1 Samuele 8:2

Mwana wake wakudanga wenga Yoele wa chiŵi wenga Abija, yaŵa ŵenga ŵeruzgi mu Beresheba.