1 ŴaKaronga 18:7 - Tonga Bible 1986

⁷ Ndipo penipo Obadiya wenga mu nthowa, Eliya wangukumana nayo, ndipo Obadiya wangumuziŵa, ndi wanguwa pa maso pake, ndipo wanguti, “Kumbi ndimwe, mbuyangu Eliya?”

1 ŴaKaronga 18:7 ပူးပေါင်းရင်းမြစ်များ

Chiyambo 18:12

Viyo Sara wanguseka mu mtima pe, wanguti, “Sono po ndakota, ndi mrumi wangu nayo wakota, ndiŵenge so ndi kukondwa?”

Chiyambo 18:2

Wangulereska ndipo wanguwona ŵanthu ŵatatu ŵanguma paurongo pake. Wanguti waŵawona wanguchimbiya kutuwa pa khomo la hema lake kwachikumana nawo, ndipo wangukotamiya pasi,

Chiyambo 44:16

Ndipo Yuda wanguti, “Tikambenge kane ku mbuya widu? Pamwenga tingapandira uli? Chiuta wabowozga ulakwi wa ŵateŵeti ŵako, ehe, te ŵaŵanda ŵa mbuya widu, tose ifwe pamoza ndi mweniyo mu janja lake mwasanirika kapu yo.”

Chiyambo 44:20

Ndipo tinguti ku mbuya widu, ‘Te nayo uskefwe, khongwe, ndi mwana munyidu mhurwa, mwana wamu ukhongwe wake, ndipo mwana munyake wakufwa, ndipo, iku pe kakujapo pa ŵana ŵa anyina; ndi awiske ŵatumwanja.’

Chiyambo 44:33

Viyo, sono, nditumuŵeyani, zomerani kuti Ine mteŵeti winu ndije nge ndi muŵanda winu, mbuya wangu, mu malo gha mhurwa uyu, ndipo zomerani kuti mhurwa uyu wawere vuli pamoza ndi ŵana ŵanyake.

Chiyambo 50:18

Ŵana ŵanyake ŵanguza so ndi ŵanguwa pasi paurongo pake, ndi ŵanguti, “Ehe, ifwe te ŵateŵeti ŵako.”

2 Samuele 19:18

ndipo ŵangwambuka kwachilowoska ŵamunyumba ya karonga, ndi ku mkondwereska. Shimei mwana waku Gera wanguwa paurongo pa karonga, po wambanga kwambuka Yordane,

1 ŴaKaronga 11:29

Ndipo pa nyengo yiya, penipo Yeroboamu wangutuwa mu Yerusalemu, mchimi Ahija waku Shilo wangumusaniya pa nthowa sono Ahija wangujivwarika chivwaro chifya; ndipo yaŵa ŵaŵi ŵenga ŵija kulisuwa.

1 ŴaKaronga 18:6

Viyo ŵangugaŵa charu pakati pawo kwachiporotamo, Ahabu wanguserere kwaku vija, Obadiya wanguserere kwaku yija.

1 ŴaKaronga 18:8

Ndipo wangumwamuka, “Ndine, Ruta, kamunene mbuyako, ‘Ehe, Eliya we kuno.’ ”

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Maŵerengedu 12:11

Sono Aroni wanguti kwaku Mosese, “Owe, mbuyangu, mureke kutilanga chifukwa chakuti tachita ubereŵeza ndi tananga.

Mateyu 11:8

Kweni mungutuliya kwachiwona chine? Munthu wakuvwara minjirira yakuworofoka mbamu nyumba za mafumu.

Mateyu 3:4

Kweni mweniyo Yohane wenga ndi chakuvwara chake cha weya wa gamila, ndi likwamba la chikopa lo wamanganga mu chiunu chake; ndipo chaukurgha chake chenga ŵazombe ndi uchi wamu dondo.

1 Samuele 20:41

Wanguti waruta munyamata yuwa, Davidi wangusotopoka pa muru wa mya, wanguwa pasi kavunama wangukotama katatu; ndipo ŵangufyofyonthana yumoza ndi munyake, ndi kuliriyana yumoza ndi munyake, kweni Davidi wanguliya kwakuruska.