1 ŴaKaronga 17:6 - Tonga Bible 1986

⁶ Ndipo ŵachahole ŵamziyanga ndi viŵande ndi nyama kumlenji, ndi kumazulo; ndipo wamwanga mu kamsinji.

1 ŴaKaronga 17:6 ပူးပေါင်းရင်းမြစ်များ

1 ŴaKaronga 13:28

Wanguruta, wangusaniya thupi lake lapong'eka mu mseu, ndipo mbunda ndi nkharamu vyama waka jo pafupi ndi thupi chingana nkhu paruwa mbunda cha.

1 ŴaKaronga 17:5

Viyo wanguruta wanguchita kwakuyana ndi mazu gha Ambuya; wanguruta ndi wajanga pafupi pa kamsinji Keriti ko ke kuvuma kwa Yordane.

1 ŴaKaronga 17:7

Ndipo pavuli pa kanyengo kamsinji kangukamuka, pakuti ku charu kwengavi vuwa.

1 ŴaKaronga 19:6

Ndipo wangulereska, awonani, ku mutu kwake kwenga chiŵande chakocheka pa mya ya moto ndi balasuma wa maji. Wangurgha ndi kumwa, wangula so pasi.

1 ŴaKaronga 19:8

Ndipo wanguyuka wangurgha ndi kumwa, ndipo wanguruta mu nthazi ya kurgha kuwa mazuŵa machumi ghanayi msana ndi usiku ku Horebu, phiri laku Chiuta.

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Sumu 37:19

mu nyengo ziheni kuti ŵakalengeskekanga cha, mu mazuŵa gha chilala iwo ŵagutenge.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Chituwa 16:35

Ndipo ŵaYisraele ŵangurgha mana virimika machumi ghanayi, mpaka penipo ŵanguza ku charu cha chikhazi; ŵarghanga mana, mpaka penipo ŵanguza ku mphaka za charu cha Kanani.

Yesaya 33:16

Wakajanga pachanya; malo ghake ghakuvikirika ghakaŵanga linga la majarawe; wakapaskikanga kurgha kwake, maji ghake ghakajaririyanga.

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

Yeremiya 40:4

Sono, ehe, nditukufwatuwa iwe msanawale ku maunyolo gha pa manja ghako. Asani nchakwenere kwaku iwe kuruta nane ku Babiloni, zanga, ndipo ine ndikakuphwerenga umampha; ndipo asani kuti nchakwenere cha kuruta nane ku Babiloni, ungazanga cha. Ona, charu chose che paurongo pako; rutanga kwe kose ko ughanaghana kuti nkhwamampha ndi nkhwakurunjika kuyako.

Maŵerengedu 11:23

Ndipo Ambuya anguti kwaku Mosese, “Kumbi janja la Ambuya ndakufupiskika? Ukawonanga sono vinu mazu ghangu ghakakufiskikiyanga pamwenga awa.”

Mateyu 19:26

Kweni Yesu pakuŵalereska wanguti, “Ku ŵanthu kuti nchamachitika cha ichi, kweni kwaku Chiuta vyose vyamachitika.”

Luka 22:35

Ndipo wanguŵanene, “Penipo ndingumtumani ŵambura chikwama, katiri, viyatu, kumbi mungukavuka kanthu?” Ndipo iwo ŵanguti, “Kanthu nako cha.”

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Ŵeruzgi 14:14

Iyo wanguti kwaku wo, “Mwaku cho chiturgha mungutuwa chakurgha, mwaku cho nchanthazi mungutuwa chakusamuka.” Ndipo mu mazuŵa ghatatu ŵangutondeka kunena cho ntharika yang'anamuwanga.