1 ŴaKaronga 17:18 - Tonga Bible 1986

¹⁸ Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

1 ŴaKaronga 17:18 ပူးပေါင်းရင်းမြစ်များ

Chiyambo 44:16

Ndipo Yuda wanguti, “Tikambenge kane ku mbuya widu? Pamwenga tingapandira uli? Chiuta wabowozga ulakwi wa ŵateŵeti ŵako, ehe, te ŵaŵanda ŵa mbuya widu, tose ifwe pamoza ndi mweniyo mu janja lake mwasanirika kapu yo.”

Chiyambo 50:15

Penipo ŵana ŵanyake ŵaku Yosefe ŵanguwona kuti uskeu wafwa, ŵanguti, “Akhumba Yosefe wakatitinkhanga ndi wakatitayiyanga thayu pa viheni vyose vyenivyo tingumuchitiya.”

Chiyambo 50:17

‘Mukambe kwaku Yosefe, Gowoke, nditukupempha, maulakwi gha ŵana ŵanyako ndi uheni wawo, chifukwa ŵangukuchitiya uheni’. Ndipo sono tipempha ugowoke ulakwi wa ŵaŵanda ŵaku Chiuta wa ausu.” Yosefe wanguliya penipo ŵangukamba nayo.

2 Samuele 16:10

Kweni karonga wanguti, “Kumbi ndendi kanthu uli ine ndi imwe, mwa ŵana ŵaku Zeruya? Asani watukiya pa chifukwa chakuti Ambuya amunene kuti, ‘Mutuki Davidi,’ ndiyani nanga yo wakambenge chifukwa, ‘Nchine wachita viyo?’ ”

2 Samuele 19:22

Kweni Davidi wanguti, “Ndenamwe ndi kanthu uli imwe, mwa ŵana ŵaku Zeruya kuti msana wale muŵi nge ngwakupindikana nane? Kumbi munthu wangabayika mu Yisraele msana wale? Kumbi kuti ndiziŵa cha kuti zuŵa lino nde karonga pa ŵaYisraele?”

1 ŴaKaronga 12:22

Kweni mazu ghaku Chiuta ghanguza kwaku Shemaya munthu waku Chiuta,

1 ŴaKaronga 13:1

Ndipo, ehe, munthu waku chiuta wangutuwa ku Yuda pa mazu gha Ambuya kuza ku Betele. Yeroboamu wanguma pafupi ndi chiguŵa cha sembe kocha vya chema.

1 ŴaKaronga 17:17

Pavuli paku ichi mwana wa munthukazi mweni nyumba yo, wangutama, ndipo urwali wake wenga uzitu mwengavi kujamo mvuchi mwake.

1 ŴaKaronga 17:19

Ndipo wanguti kwaku yo, “Ndipaske mwana wako.” Ndipo wangumoto pa chifuŵa chake, ndi kukwere nayo ku chipinda chapachanya, mwenimo wagonanga, ndipo wangumularika pa chita chake.

1 ŴaKaronga 18:9

Ndipo Obadiya wanguti, “Ndalakwanji, po mukhumba kupaska muŵanda winu mu janja laku Ahabu, kuti wandibaye.

1 ŴaKaronga 20:28

Ndipo wanguza munthu waku Chiuta wangunena ndi karonga wa ŵaYisraele, wanguti, “Viyo atiti Ambuya, ‘Chifukwa ŵaSiriya ŵakamba kuti, “Ambuya ndi Chiuta wamu mapiri kuti ndi Chiuta wamu chidika cha,” chifukwa ichi ndiperekenge chimzinda chose ichi mu janja lako, ndipo ukaziŵanga kuti ine ndine Ambuya.’ ”

2 ŴaKaronga 1:9

Sono karonga wangumutumiya nduna ya nkhondo ya liŵanja la machumi ghankhonde ndi ŵanthu ŵake machumi ghankhonde. Ŵangukwere kwaku Eliya, mweniyo wanguja pachanya pa kamtunthu, ndi ŵanguti kwaku iyo, “Wa munthu waku Chiuta, karonga watiti, ‘Usike.’ ”

2 ŴaKaronga 3:13

Ndipo Elisha wanguti ku karonga waYisraele, “Nde nawe ndi chine iwe? Ruta ku ŵamchimi ŵa ausu, ndi ŵamchimi ŵa anyoko.” Kweni karonga waYisraele wanguti kwaku iyo, “Awa, MbAmbuya wo ŵadana ŵakaronga ŵatatu yaŵa kuŵapereka mu janja laku Moabu.”

2 Mikoka 35:21

Kweni wangutuma mathenga kwaku iyo kuti, “Kumbi nde nawe ndi kanthu uli iwe karonga waku Yuda? Kuti le ndaziya iwe cha kweni nyumba yiya nditambana nayo. Ndipo Chiuta wandilanguya kuti ndendeske. Reka kwambana nayo Chiuta yo wendi ine, vinu wangakupankhuwa.”

Jobu 13:23

Kumbi kwananga kwangu ndi mauheni ghangu viringa? Ndiziŵiskeni mamphuru ghangu ndi mauheni ghangu.

Jobu 13:26

Pakuti murembe vyakuŵaŵa kumikana ndi ine, ndi kundichitiska kuti ndihare kwananga kwa uhurwa wangu.

Maŵerengedu 5:15

pa viyo munthurumi watore muwoli wake ku mzukuru, ndi kupereka mpasku wake, chigaŵa chimoza cha vigaŵa vya mweso wa ufwa wa barile; wareke kuŵikako mafuta nanga nkhusazgako cha chema, pakuti ndi mpasku wa sanji, mpasku wakukumbuska ulakwi.

Mateyu 8:29

Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?”

Marko 5:7

wakukambura ndi mazu ghakuru, wanguti, “Ndatinji namwe, Yesu, mwaMwana waku Chiuta Wamdengwendi? Ndikurapiskiyani ndi Chiuta, mungandisuzganga cha.”

Marko 6:16

kweni wachivwa Herode, wanguti, “Mwenuyu ndi Yohane yo ndingumdumuwa mutu; wayuka ku ŵakufwa.”

Luka 4:34

“Owe! Te ndi chine ndi iwe, Yesu waku Nazarete? Kumbi waziya kwachinanga ifwe? Ndikuziŵa mo uliri, Wakupaturika we waku Chiuta.”

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Luka 8:28

Ndipo pakuwona Yesu, wangukambura ndi wanguwa paurongo pake, ndipo ndi mazu ghakuru wanguti, “Ndendi chine ndi imwe, Yesu, Mwana waku Chiuta Wamdengwendi? Ndikuŵeyereni, mungandisuzganga.”

Yohane 2:4

Wamnene Yesu, “Ungandineniyanga cha cho nditenere kuchita, munthukazi we? Ora langu lindaze.”

Ŵeruzgi 13:6

Sono munthukazi wanguzachinene mrumi wake, “Munthu waku Chiuta wanguza kwangu, ndipo kawonekeru kake kenga kawonekeru ka mungelo waku Chiuta, wakofya ukongwa, ndengavi kumufumba ko wangutuliya, ndipo wengavi kundinene zina lake;

1 Samuele 16:4

Samuele wanguchita cho Ambuya angumulanguliya, ndipo wanguza ku Betelehemu. Ŵara ŵa msumba ŵanguza kukamana nayo ŵakuŵa ndi chitenthe, ŵanguti, “Kumbi mwaza mu chimangu?”