1 ŴaKaronga 17:14 - Tonga Bible 1986

¹⁴ Chifukwa viyo ndimu akambiya Ambuya Chiuta waku Yisraele, ‘Chimphuli cha ufwa kuti chikajanga chiyumu cha, ndi supa ya mafuta kuti yikaphwanga cha, mpaka zuŵa lo Ambuya akatumiyanga vuwa pa charu chapasi.’ ”

1 ŴaKaronga 17:14 ပူးပေါင်းရင်းမြစ်များ

2 ŴaKaronga 7:1

Kweni Elisha wanguti, “Vwani mazu gha Ambuya; viyo atiti Ambuya, Lamawa pa nyengo nge ndi iyi mweso wa ufwa wamampha ukagulikanga pa shekelo limoza, ndi myeso yiŵi ya barile pa shekelo limoza, palikomo la Samaria.”

2 ŴaKaronga 3:16

Ndipo wanguti, “Viyo atiti Ambuya, ‘Ndikasanduskanga malo yagha gha msinji ghayumu kuŵa ndi tuvisima tunandi’.

2 ŴaKaronga 9:6

Sono wangusoka ndipo wangusere mu nyumba, ndipo munyamata yo wangudira mafuta pa mutu wake, wachinena kwaku iyo, “Viyo atiti Ambuya Chiuta waku Yisraele, Nditukupaka iwe kuŵa karonga pa ŵanthu ŵa Ambuya, paku Yisraele.

1 ŴaKaronga 17:4

Ukamwanga mu kamsinji ko, ndipo ndalanguliya ŵachahole kukuhiŵa iwe kwenikuwa.”

Mateyu 26:7

kunguza munthukazi wakuŵa ndi supa yasangarawe ya muro wa mtengu ukuru, ndipo wangughapunguliya pa mutu pake, wachija pa kurgha.

1 ŴaKaronga 17:13

Ndipo Eliya wanguti kwaku cho, “Ureke kopa; rutanga kachite nge ndimo wakambiya, kweni udange chandichitiya ine kachiŵande kamanavi kaufwa wo uzi nako kunu kwangu, ndipo pavuli ujinozge iwe ndi mwana wako.

1 ŴaKaronga 17:15

Ndipo chinguruta ndi chinguchita mo Eliya wangukambiya, ndipo icho ndi iyo ndi ŵamu nyumba yake ŵangurgha kwa mazuŵa ghanandi.