1 ŴaKaronga 17:13 - Tonga Bible 1986

¹³ Ndipo Eliya wanguti kwaku cho, “Ureke kopa; rutanga kachite nge ndimo wakambiya, kweni udange chandichitiya ine kachiŵande kamanavi kaufwa wo uzi nako kunu kwangu, ndipo pavuli ujinozge iwe ndi mwana wako.

1 ŴaKaronga 17:13 ပူးပေါင်းရင်းမြစ်များ

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Machitidu gha Ŵakutumika 27:24

wakuti, ‘Ungopanga cha, Paulo; kutenere iwe kwachima paurongo paku Kaisare: ndipo awona, Chiuta wakupaska wose ŵakwenda nawe pamoza.’

Mateyu 28:5

Kweni mungelo yo wakwamuka wanguŵanene ŵanthukazi, “Mungopanga cha, chifukwa ndiziŵa kuti mupenja Yesu yo wangupayikika.

Yesaya 41:13

Pakuti ine, Ambuya Chiuta wako, ndiko janja lako lakurghiya; ndine ndititi kwaku iwe, “Ungopanga cha, ndikakovyanga.”

Nthanthi 3:9

Tumbikanga Ambuya ndi chuma chako ndi vipasi vyakudanga vya vyakurgha vyako vyose;

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

2 ŴaKaronga 6:16

Iyo wanguti, “Ungopanga, pakuti wo ŵendi ifwe unandi ŵaruska wo ŵendi iwo.”

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

ŴaHebere 11:17

Ndi chivwanu Abrahamu, wacheseka wangupereka Yisaki nge ndi mpasku: ndipo mweniyo wangurondapo mapanganu wangupereka mwana wake wakuwa yija;

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

1 ŴaKaronga 17:12

Ndipo chinguti, “Mo aliri amoyo Ambuya Chiuta winu, ndilivi kochapo kanthu, kweni ka ufwa pe kamanavi mu chimphuli ndi tumafuta tumanavi mu kasupa; sono reka ndideŵa tunkhuni, utu, mwakuti nkhajirongosole ine ndamweni ndi mwana wangu, kuti tikarghe, ndi kufwa.”

1 ŴaKaronga 17:14

Chifukwa viyo ndimu akambiya Ambuya Chiuta waku Yisraele, ‘Chimphuli cha ufwa kuti chikajanga chiyumu cha, ndi supa ya mafuta kuti yikaphwanga cha, mpaka zuŵa lo Ambuya akatumiyanga vuwa pa charu chapasi.’ ”

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”