1 ŴaKaronga 17:11 - Tonga Bible 1986

¹¹ Ndipo penipo charutanga kwachito maji, wangudana kwaku cho, wanguti, “Undiziye ndi chibanthuka cha chiŵande mu janja lako.”

1 ŴaKaronga 17:11 ပူးပေါင်းရင်းမြစ်များ

Chiyambo 18:5

po ine ndamuto chiŵande kuti mujizikiske mtima, sono pavuli ndipo murutenge pakuti mwaza ku muŵanda winu.” Viyo iwo ŵanguti, “Chita uli ndimo wanene.”

1 ŴaKaronga 17:10

Viyo wangusoka ndi wanguruta ku Zarefata, ndipo penipo wanguza pa likomo la msumba, choko chenga penipa chakudeŵa nkhuni, ndipo wangudanirizga kwaku cho, wanguti, “Ndipaske maji ghamanavi mu chiyaŵi, ndimwe.”

1 ŴaKaronga 17:12

Ndipo chinguti, “Mo aliri amoyo Ambuya Chiuta winu, ndilivi kochapo kanthu, kweni ka ufwa pe kamanavi mu chimphuli ndi tumafuta tumanavi mu kasupa; sono reka ndideŵa tunkhuni, utu, mwakuti nkhajirongosole ine ndamweni ndi mwana wangu, kuti tikarghe, ndi kufwa.”

1 ŴaKaronga 17:9

“Soka, ruta ku Zarefata, yo ngwaku Sidoni ukajenge kwenikuwa. Ehe, Ndalanguliya choko kwenikuwa kukuhiŵa.”

1 ŴaKaronga 18:4

ndipo penipo Yezebelu wangubaya ŵa mchimi ŵa Ambuya, Obadiya wanguto ŵa mchimi machumi pe chumi (100) wanguŵabisa machumi ghankhonde ghankhonde mu mphanji, ndipo wanguŵapaska kurgha ndi maji.)

Mateyu 10:42

Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”

ŴaHebere 13:2

Mungaruwirizga kwanja ŵalendo nako; chifukwa viyo ndimo ŵanyake ŵangurondere ŵangelo ŵakuseŵe nawo kwambura kuŵaziŵa.