1 ŴaKaronga 17:1 - Tonga Bible 1986

¹ Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 17:1 ပူးပေါင်းရင်းမြစ်များ

1 ŴaKaronga 17:12

Ndipo chinguti, “Mo aliri amoyo Ambuya Chiuta winu, ndilivi kochapo kanthu, kweni ka ufwa pe kamanavi mu chimphuli ndi tumafuta tumanavi mu kasupa; sono reka ndideŵa tunkhuni, utu, mwakuti nkhajirongosole ine ndamweni ndi mwana wangu, kuti tikarghe, ndi kufwa.”

1 ŴaKaronga 17:2

Ndipo mazu gha Ambuya ghanguza kwake,

1 ŴaKaronga 18:1

Pavuli pa mazuŵa ghanandi, mazu gha Ambuya ghanguza kwaku Eliya, mu chirimika cha chitatu, ghakuti, “Ruta, ukajirongo kwaku Ahabu, chifukwa ndikatumanga vuwa pa charu chapasi.”

1 ŴaKaronga 18:10

Po aliri amoyo Ambuya Chiuta winu, kulivi mtundu pamwenga ufumu kweniko mbuyangu walivi kutumako kwachipenja imwe, ndipo asani ŵangakamba, kuti, ‘We kuno cha,’ wachitiskenge rapu ufumu wo pamwenga mtundu wo kuti ŵalivi kumusaniyani.

1 ŴaKaronga 18:15

Ndipo Eliya wanguti, “Mo aliri amoyo Ambuya ŵamaŵanja, ŵeniwo ndituma paurongo pawo, kwakuneneska ndikajirongonga kwaku iyo msana wale.”

1 ŴaKaronga 22:14

Kweni Mikaya wanguti, “Po ajaliya amoyo Ambuya, chenicho Ambuya atindinene, ndicho ndikakambanga.”

1 ŴaKaronga 8:35

“Asani kuchanya kwajarika ndipo kulivi vuwa chifukwa chakuti ŵakulakwiyani, asani ŵaromba mu nyumba iyi, ŵazomera zina linu, ndipo ŵang'anamukako ku ulakwi wawo penipo imwe mwaŵasuzga,

2 ŴaKaronga 1:3

Kweni mungelo wa Ambuya wanguti kwaku Eliya mu Tishibi, “Soka ukwere kwachikumana ndi mathenga gha karonga waku Samaria, ndipo ukaghafumbe, ‘Kumbi nchifukwa chakuti mulivi Chiuta mwaku Yisraele po muruta kwachifumba Bala-zebubi chiuta waku Ekroni?

2 ŴaKaronga 3:14

Elisha wanguti, “Mwenimo ajariya amoyo Ambuya ŵamaŵanja, ŵeniwo ine nditeŵete, asani ndengavi kuphwere Yehosafati karonga waku Yuda, mphanyi kuti ndakulereska ndi kukuwona cha.

2 ŴaKaronga 4:38

Elisha wanguza so ku Gilgala penipo mwenga chilala mu charu. Ndipo penipo ŵana ŵa ŵamchimi ŵanguja pasi paurongo pake wangunena ndi mteŵeti wake, “Ujarikepo nkhali yikuru uŵabikiye kurgha ŵana ŵa ŵamchimi.”

2 ŴaKaronga 5:16

Kweni iyo wanguti, “Mo aliri amoyo Ambuya ŵeniwo nditataliya, kuti ndirondengeko kanthu cha.” Wangumukakamizga kuvironda, kweni wangukana.

2 ŴaKaronga 5:20

Gehazi mteŵeti waku Elisha munthu waku Chiuta, wanguti, “Awonani, mbuyangu wamufwatuwa ŵaka Namani mu Siriya uyu pakureka kurondako vyo wanguza navyo. Mo aliri amoyo Ambuya, ndikamuchimbiriyanga, kwachirondako kanthu kwaku iyo.”

2 Mikoka 21:12

Ndipo kunguza kalata kwake kuturiya kwaku Eliya mchimi, wakuti, “Ndimo viyo anene Ambuya Chiuta wa ausu, kuti ‘Chifukwa ulivi kwenda mu nthowa yaku Yehosafati ausu, pamwenga mu nthowa zaku Asa karonga waku Yuda,

2 Mikoka 6:26

“Asani machanya ghajarika, kulivi vuwa chifukwa ŵamunangiyani imwe, ndipo asani ŵarombenge mu malo yagha, ndi kuzomera zina linu, ndi kung'anamukako ku uheni wawo, penipo imwe mwaŵasuzga,

Jobu 12:15

Asani wajaliya maji, ghatuphwa, asani watighajura ghagumuwa charu.

Yesaya 49:18

Soska maso ghako kwakuzunguliya ndi wona; wose ŵawungana, ŵatuza kwaku iwe. Ndichiŵa wamoyo, atiti Ambuya, ukaŵavwaranga wose uli nchinozgeru, ukajimangiliyanga nawo uli ndimo wachitiya munthukazi wa nthengwa.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Yeremiya 28:8

Ŵamchimi wo ŵanguza paurongo paku iwe ndi ine, ŵa nyengo zamwaka ŵanguchima nkhondo, chilala, ndi chideru kuti ndivyo vikaŵangako mu vyaru vinandi ndimu maufumu ghakuzirwa.

Hagayi 1:10

Chifukwa ichi, machanya gha pachanya paku imwe ghajara dungwi, ndi charu chapasi chajara vipasi vyake.

Mateyu 11:14

Ndipo asani mukhumba kuwuronde, Yohane, ndiyo Eliya yo wazanga.

Mateyu 16:14

Wanguti iwo, “Ŵanyake ŵatiti, Yohane Mbatizi, ŵanyake ŵatiti Eliya; ndi ŵamwenga, Yeremiya, pamwenga yumoza wa ŵamchimi.”

Mateyu 27:47

Ndipo ŵanyake ŵaku wo ŵangumapo, ŵachivwa, ŵatinge, “Mwenuyu wadana Eliya.”

Mateyu 27:49

Kweni ŵakujapo ŵanguti, “Reka; tiwone vinu Eliya wazenge kwazimtaska.”

Mateyu 7:29

chifukwa waŵasambizganga nge ngwakuŵa ndi mtufu, ndi nge mbalembi ŵawo cha.

Luka 1:17

Ndipo iyo wadanjiriyenge pa maso pake mu mzimu ndi nthazi yaku Eliya, kwaching'anamuliya mitima ya ŵatate ku ŵana, ndi ŵamtafu ku vinjeru vya ŵarunji, kwachirongosole Ambuya khamu lakurongosoleka.”

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Luka 9:30

Ndipo onani, ŵarongoronga nayo ŵanthurumi ŵaŵi, Mosese ndi Eliya,

Luka 9:33

Ndipo kunguŵa kuti ŵachipatukako kwake iwo, Petro wanguti kwaku Yesu, “Ambuya, nkhwamampha kwaku ifwe kuŵa panu: ndipo tichite mahema ghatatu; limoza imwe, ndi limoza kwaku Mosese, ndi limoza kwaku Eliya;” wambura kuziŵa cho wakambanga.

Luka 9:54

Kweni ŵanguti ŵawona chenichi ŵasambizi ŵake Yakobe ndi Yohane, wanguti, “Ambuya, mukhumba kwari kuti tidane moto kusikako kuchanya ndi kuŵananga?”

Yohane 1:21

Ŵangumfumba, “Na uli? Kumbi ndiwe Eliya?” Ndipo wali, “Kuti ndine iyo cha.” “Kumbi ndiwe mchimi?” Ndipo wangwamuka, “Awa!”

Yohane 1:25

Ndipo wangumfumba, “Na ubatiziyanji asani iwe kuti ndiwe Kristu cha, chingana ndi Eliya chingana ndi mchimi yo?”

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

ŴaRoma 11:2

Chiuta walive kupata khamu lake, lenilo wanguziŵiya limu. Pamwenga mureka kuziŵa kumbi cho likamba lembo lo mwaku Eliya? Mo waŵeyere Chiuta paku Yisraele,

Marangu 10:8

Pa nyengo yiya Ambuya angupatuwa fuku laku Levi kupinga bokosi la phanganu la Ambuya kuma pa nthazi pa Ambuya kumuteŵete, ndi kutumbika zina lake mpaka zuŵa lino.

Yakobe 5:17

Eliya wenga munthu wakusankhwa ngendifwe, ndipo wanguromba rombo lakuti kureke kung'apovuwa; ndipo kuti kungung'apo vuwa pa charu cha virimika vitatu ndi myezi yinkhonde ndi umoza.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.

Ŵeruzgi 12:4

Sono Jefta wanguungang'a ŵanthu wose ŵamu Gileada, ŵangurwana ndi Efraimu; ndipo ŵanthu ŵamu Gileada ŵangukoso Efraimu, chifukwa watinge, “Imwe mwa ŵaGileada mukuthaŵa kwaku Efraimu, mukati mwaku Efraimu ndi Manase.”