1 ŴaKaronga 16:16 - Tonga Bible 1986

¹⁶ ndipo maŵanja ghankhondo gho ghanguvwa ghachikambika kuti, “Zimri wenga ndi chiŵembu ndipo wabaya karonga”; chifukwa cho Yisraele yose wangumika Omri, wakulamuliya ŵankhondo, kuŵa karonga paku Yisraele zuŵa liya mu ugoŵi.

1 ŴaKaronga 16:16 ပူးပေါင်းရင်းမြစ်များ

1 ŴaKaronga 15:27

Basha mwana waku Ahija, wa nyumba yaku Isakara, wangumufinga; ndipo Basha wangumukosole pasi pa Gibetoni, yo wenga wa ŵaFilisti, pakuti Nadabu ndi Yisraele yose ŵanguzinga Gibetoni.

1 ŴaKaronga 16:15

Mu chirimika cha machumi ghaŵi pa chanya nkhonde ndi viŵi (27) chaku Asa karonga waku Yuda, Zimri wanguwusa mazuŵa ghankhonde ndi ghaŵi mu Tirza. Panyengo iyi maŵanja gha nkhondo ghenga ku Gibetoni, yo wenga wa ŵaFilisti,

1 ŴaKaronga 16:17

Viyo Omri wangukwera kutuwa ku Gibetoni ndi ŵaYisraele wose pamoza nayo, ŵanguzinga Tirza.

1 ŴaKaronga 16:30

Ahabu mwana waku Omri wanguchita uheni mu maso gha Ambuya kwakuruska wose wo ŵengako apaurongo pake.

2 ŴaKaronga 8:26

Ahaziya wenga wa virimika machumi ghaŵi pachanya viŵi po wangwamba kuwusa, wanguwusa chirimika chimoza mu Yerusalemu. Zina la anyina lenga Ataliya, wenga mzuku waku Omri karonga wa Yisraele.

2 Mikoka 22:2

Ahaziya wenga ndi virimika machumi ghanayi pachanya viŵi wachamba kuwusa, ndipo wanguwusa chirimika chimoza mu Yerusalemu, Zina la anyina lenga Ataliya, mzuku waku Omri.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”