1 ŴaKaronga 15:18 - Tonga Bible 1986

¹⁸ Viyo Asa wanguto siliva yose ndi golide vyo vingusiyika mu vyakusungamo usambasi wa nyumba ya Ambuya ndi usambasi wa karonga, wanguvipaska mu manja gha ŵaŵanda ŵake; karonga wanguvituma kwaku Benhadadi mwana waku Tabrimoni, mwana waku Hezioni, karonga waku Siriya, yo wajanga mu Damasko, wanguti,

1 ŴaKaronga 15:18 ပူးပေါင်းရင်းမြစ်များ

Chiyambo 14:15

Ndipo wangugaŵa pakati maŵanja ghake kurwana nawo ndi usiku, iyo ndi ŵaŵanda ŵake; ndipo ŵanguŵambininiska ndi ŵanguŵandondoloska mpaka ku Hoba ku nkhonde kwa Damasko.

Chiyambo 15:2

Kweni Abramu wanguti. “Ambuya Chiuta, mundipaskenge chine? Pakuti ndichalivi mwana, ndipo nuhari wa nyumba yangu ndi Eliezere waku Damasko?”

1 ŴaKaronga 14:26

wanguto ndikuruta ndi usambasi wa nyumba ya Ambuya ndi usambasi wa nyumba ya karonga, wanguruta navyo vyose. Wanguruta so ndi nguru zose za golide zo wangupanga Solomoni;

1 ŴaKaronga 15:15

Ndipo wangutole mu nyumba ya Ambuya vyaulera vyakupaturika vya awiske pamoza ndi vyaku iyo mweneko siliva, golide ndi viyaŵi.

2 ŴaKaronga 12:17

Pa nyengu yiya Hazaeli karonga wa Siriya, wangukwera kwachirwana ndi Gata, ndipo wanguwulonda. Kweni po Hazaeli wangung'anamukiya chisku chake kwachirwana ndi Yerusalemu,

2 ŴaKaronga 12:18

Yehoyashi karonga waku Yuda wanguto vyawulera vyose vyakutemeka vyenivyo Yehosafati, ndi Yehoramu ndi Ahaziya, ŵambuyake, ŵakaronga ŵaku Yuda, ŵangupatuwa, ndi vyawulera vyakutemeka vya pa mtima wake, ndi golide yose yo wangusanirika mu mbiku za nyumba ya Ambuya ndi nyumba ya karonga, wanguvituma kwaku Hazaeli karonga wa Siriya. Sono Hazaeli wanguruta kutuwako ku Yerusalemu.

2 ŴaKaronga 12:19

Sono nchitu zose zaku Yoashi ndi vyose vyo wanguchita, asi vikulembeka mu Buku la Mikoka ya ŵaKaronga ŵakuYuda?

2 Mikoka 15:18

Ndipo wanguserezga mu nyumba yaku Chiuta vinthu vyo awiske ŵanguvipatuwa pamoza ndivyo iyo nayo wanguvipatuwa, siliva ndi golide ndi vyakutakatakiya.

Yeremiya 49:27

Ndipo ndikakozganga moto mu linga la Damasko ndipo ukarghanga malinga ghaku Benehadadi.”

Amosi 1:4

Viyo nditumenge moto pa nyumba yaku Hazaeli, ndipo wamukocha malinga ghaku Benihadada.