1 ŴaKaronga 14:3 - Tonga Bible 1986

³ Upingi viŵande chumi, makeki, ndi barasuma wa uchi, ndipo ruta kwaku mweniyo, wamkukunene chenicho chikaŵiyanga mwana.”

1 ŴaKaronga 14:3 ပူးပေါင်းရင်းမြစ်များ

1 ŴaKaronga 13:7

Karonga wanguti ku munthu waku Chiuta, “Zanga tiyi tose kwidu, ukajiziziriski, ndipo ndikupaskenge mphoto.”

2 ŴaKaronga 1:2

Sono Ahaziya wanguwa kuporota pa dangazi mu chipinda chake cha pachanya mu Samaria, ndipo wangutama, viyo wangutuma mathenga wakuti, “Rutani, kafumbeni kwaku Bala-zebubi, chiuta waku Ekroni, vinu ndikachilanga ku utenda uwu.”

2 ŴaKaronga 4:42

Munthu wanguza kutuwa ku Balashalisha, wangupingiya viŵande munthu waku Chiuta vya vipasi vya kudanga, mikati machumi ghaŵi ya barile, ndi mbuto zifya mu thumba lake. Ndipo Elisha wanguti, “Ŵapaske ŵanthu wo ŵarghenge.”

2 ŴaKaronga 5:15

Sono wanguwere ku munthu waku Chiuta, iyo ndi mpingu wake wose, ndipo wanguza wanguma paurongo pake, wanguti, “Ndiziŵa kuti mulivi Chiuta mu charu chose chapasi kweni mu Yisraele pe: viyo rondani chaulera chakutuwa ku mteŵeti winu.”

2 ŴaKaronga 5:5

Ndipo karonga wa Siriya wanguti, “Wukenge sono, ndipo ndikatumanga karata ku karonga waku Yisraele.” Viyo wanguruta, wangupinga matalente chumi gha siliva, ndi mashekelo vikwi vinkhonde ndi chimoza vya golide, ndi vyakuvwara vya mtundu mtundu.

Mateyu 26:7

kunguza munthukazi wakuŵa ndi supa yasangarawe ya muro wa mtengu ukuru, ndipo wangughapunguliya pa mutu pake, wachija pa kurgha.

Yohane 11:3

Viyo ŵazichi wo ŵangutuma kwaku iyo, ŵakuti, “Ambuya bwezi linu lapa mtima watama.”