1 ŴaKaronga 13:32 - Tonga Bible 1986

³² Chifukwa ku kamba ko wangubangula ndi mazu gha Ambuya pa chiguŵa cha sembe mu Betele, ndi pa nyumba zose za malo gha mitunthu zenizo zemu misumba ya Samaria kwakuneneska ghakafiskikanga.”

1 ŴaKaronga 13:32 ပူးပေါင်းရင်းမြစ်များ

1 ŴaKaronga 12:29

Ndipo wangumika yumoza mu Betele, ndi munyake muDani.

1 ŴaKaronga 12:31

Ŵanguzenga so zinyumba mu malo ghakusopiyamo, wangutondo ŵazukuru mukati mu ŵanthu, wo kuti ŵenga ŵaLevi cha.

1 ŴaKaronga 13:2

Ndipo munthu yo wangubongo kususka chiguŵa cha sembe ndi mazu gha Ambuya, wanguti, “Wachiguŵa, chiguŵa, we, viyo atiti Ambuya, ‘Ehe, mwana wakapapikanga ku nyumba yaku Davidi, zina lake Josiya; ndipo wakaperekanga sembe paku iwe ya ŵazukuru ŵamalo gha pachanya ŵeniwo ŵatocha vya chema paku iwe, ndipo viwanga vya ŵanthu vikawochekanga paku iwe.’ ”

1 ŴaKaronga 16:24

Wangugula kaphiri ka Samaria kwaku Shemeri matalente ghaŵi gha siliva, ndipo wangukachitiya linga kaphiri ko, ndipo wangudana zina la msumba wo wanguzenga Samaria lo ndi zina laku Shemeri, mweneko wa kaphiri ko.

2 ŴaKaronga 17:29

Kweni mtundu ndi mtundu ungujichitiya ŵachiuta ŵapa mtima wawo, ŵanguŵaŵika mu malo ghakupaturika gha visopo gho wanguchita wa Samaria, mtundu wose mu misumba mwenimo wajanga.

2 Mikoka 25:13

Ŵankhondo wo Amaziya wanguwezga ndi kureka kuŵazomerezga kuruta nayo ku kurwa nkhondo, ŵangugoŵe misumba yamu Yuda kutuwa ku Samaria mpaka ku Bete-horoni, ndipo ŵangubaya ŵanthu vikwi vitati (3,000) mu misumba yo, ndi ŵanguto vyakuskoŵa vinandi ukongwa.

Ezra 4:10

ndipo so ndi ŵamitundu wo karonga Osonapara wanguserezga mu mizi ya Samaria ndi mu vigaŵa vinyake sirgha liya la msinji.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Machitidu gha Ŵakutumika 8:14

Ndipo ŵachivwa ŵakutumika mu Yerusalemu kuti Samaria waronde mazu ghaku Chiuta, ŵangutuma kwaku wo Petro ndi Yohane,