1 ŴaKaronga 13:1 - Tonga Bible 1986

¹ Ndipo, ehe, munthu waku chiuta wangutuwa ku Yuda pa mazu gha Ambuya kuza ku Betele. Yeroboamu wanguma pafupi ndi chiguŵa cha sembe kocha vya chema.

1 ŴaKaronga 13:1 ပူးပေါင်းရင်းမြစ်များ

1 ŴaKaronga 12:22

Kweni mazu ghaku Chiuta ghanguza kwaku Shemaya munthu waku Chiuta,

1 ŴaKaronga 13:26

Ndipo penipo mchimi mweniyo wangumuwezga ku nthowa wanguvwa ichi, wanguti, “Ndi munthu waku Chiuta yo, wengavi kuvwiya mazu gha Ambuya, chifukwa cho Ambuya amupereka ku nkharamu yo ya muparuwa ndi yabaya, kwakuyana ndi mazu gho Ambuya angurongoro nayo.”

1 ŴaKaronga 13:32

Chifukwa ku kamba ko wangubangula ndi mazu gha Ambuya pa chiguŵa cha sembe mu Betele, ndi pa nyumba zose za malo gha mitunthu zenizo zemu misumba ya Samaria kwakuneneska ghakafiskikanga.”

1 ŴaKaronga 13:5

Chiguŵa cha sembe nacho chingubwangandukiya pasi, ndipo choto chingudika kutuwa ku chiguŵa cha sembe, kuyana ndi chiziŵisku cho munthu waku Chiuta wangupereka pa mazu gha Ambuya.

1 ŴaKaronga 13:9

pakuti ndimu kungundilangulikiya ndi mazu gha Ambuya, kuti, ‘Kuti ukarghanga chiŵande, pamwenga kumwa maji cha, pamwenga kuwere so munthowa yo unguziyamo cha.’ ”

1 ŴaKaronga 20:35

Ndipo yumoza wa ŵana ŵa ŵamchimi wangunena ndi munyake pa langulu la Ambuya, wanguti, “Undipume, nditikupempha.” Kweni munthu yo wangukana kumupuma,

2 ŴaKaronga 23:15

Ndipo so jochero pa Betele malo gha visopo gha pachanya gho ghanguzengeka ndi Yeroboamu mwana waku Nebati yo wangulakwiska Yisraele, jochero liya pamoza ndi malo ghake wangubwanganduliya pasi, wanguswa tumanatumana mya, kuyipera kuŵa fuvu, ndipo wangocha Ashera.

2 ŴaKaronga 23:17

Wangulereska ndipo wanguti, “Nchakuzenga uli cho ndiwona patali pa?” Ndipo ŵanthu ŵa msumba ŵangumunene, “Ndi muunda wa munthu waku Chiuta yo wangutuwa kwaku Yuda ndiyo wangutaula vinthu ivi vyo iwe wachitiya pa jochero pa Beteli.”

2 Mikoka 26:16

Kweni wanguti waŵa wanthazi wanguŵa wakujikuzga mpaka ku pharghaniko lake. Pakuti wenga mutese ku Ambuya Chiuta wake ndi wangusere mu kasopi wa Ambuya kuchocha vyakununkhira pa jochero la vyakununkhira.

2 Mikoka 26:18

Ndipo ŵangumikana nayo karonga Uziya ndi ŵanguti kwaku iyo, “Kuti ndi nchitu yako cha Uziya, koche Ambuya vyakununkhira, kweni ndi nchitu ya ŵazukuru ŵana ŵaku Aroni wo mbakupaturikiya kocha vyakununkhira. Tuwamo mu nyumba yakupaturika; chifukwa wabuda, ndipo ukatumbikikanga cha ndi Ambuya Chiuta.”

2 Mikoka 9:29

Nchitu zake zinyake zaku Solomoni, zakudanga ndi zakumariya, zikulembeka mu buku laku Natani mchimi, ndimu uchimi waku Ahija mu Shiloni ndi mu viwona vyaku Ido muwona vya paku Yeroboamu mwana waku Nebati?

Yeremiya 11:12

Sono mizi yaku Yuda ndi ŵakuja mu Yerusalemu ŵakarutanga kwachiliriya ŵachiuta kwaku wo ŵangoche sembe kweni kuti ŵaziŵa kuŵataska cha mu nyengo ya suzgu yawo.

Yeremiya 25:3

“Kwavirimika machumi ghaŵi pachanya vitatu (23) kwamba pa chirimika cha chumi ndi vitatu (13) chaku Josiya mwana waku Amoni karonga wa ŵaYuda, mpaka zuŵa lino, mazu gha Ambuya ghaza kwaku ine, ndipo ndakamba kaŵikaŵi kweni kuti mwavwiya cha.

Yeremiya 32:29

ŴaKaldiya wo ŵaturwa ndi msumba uwu ŵakazanga ndi kupong'a moto pa msumba uwu, kuwocha, ndi zinyumba zo pa mabagha ghake sembe za vyakusunkhizga zaperekeka kwaku Bala ndi mpasku ya vya kumwa yadirikiya ku ŵachiuta ŵanyake, kundisosomole ine ku kukwiya.

Amosi 7:13

kweni ungachimanga so cha ku Betele chifukwa ndi malo ghakupaturika gha karonga, ndipo ndi kasopi wa ufumu.”

Amosi 7:16

Viyo sono, uvwi mazu gha Ambuya. Iwe utiti, ‘Ungachimanga cha ku mikana ndi Yisraele, ndi ungasambizganga cha kususka nyumba yaku Yisaki.’

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Maŵerengedu 16:40

zenga chikumbuska ku ŵaYisraele; kuti paulevi munthu mweniyo kuti ndi mzukuru cha, yo kuti ngwa mphapu yaku Aroni cha, wanderenge kufupi kwazisunkhizga paurongo pa Ambuya, vinu wangaŵa ulaka ndi Kora ndi mpingu wake. Ivi Ambuya angumunene Eliazara mwaku Mosese.

1 ŴaTesalonika 4:15

Chifukwa tikukambiyani chenichi mu mazu gha Ambuya, kuti ifwe taŵamoyo, taŵakujaririya ku chiwoneka cha Ambuya, kuti tikaŵadanjiriyanga kose cha wo mbakura.

Chivumbuzi 8:3

Ndipo wanguza mungelo munyake, yo wanguma pa jochero, wakuŵa ndi supa ya chema ya golide; ndipo kungupaskika kwaku iyo vyema vinandi, alinga wavisazge pamoza ndi marombu gha ŵakupaturika wose pachanya pa jochero la golide paurongo pa chitengu-chaufumu cho;

1 Samuele 2:27

Ndipo kwaku Eli kunguza munthu waku Chiuta, yo wangunena nayo kuti, “Viyo atiti Ambuya, ‘Ndingujivumbuwa ndija ku nyumba ya auskemwe po ŵenga mu Egipiti mu uŵanda ku nyumba yaku Farao.

1 Samuele 9:6

Mteŵeti wake wanguti kwaku iyo, “Awona mu msumba uwu mwe munthu, ruta kweniko; panyake wangutinene ndi za lwendo lidu ili tenalo.”