1 ŴaKaronga 12:16 - Tonga Bible 1986

¹⁶ Ndipo penipo ŵaYisraele wose ŵanguwona kuti karonga wengavi kuŵavwa, ŵanthu ŵangwamuka karonga, “Phande lidu ndine mwaku Davidi? Tirivi chihara mu mwana waku Jese. Kaninga ku mahema ghinu, Yisraele mwe! Sono lereska ku nyumba yaku wamweni, Davidi.” Viyo ŵaYisraele ŵanguwere ku mahema ghawo.

1 ŴaKaronga 12:16 ပူးပေါင်းရင်းမြစ်များ

2 Samuele 15:13

Ndipo muthenga wanguza kwaku Davidi, wanguti, “Mitima ya ŵaYisraele yaruta pavuli paku Absalomu.”

2 Samuele 16:11

Davidi wangunena ndi Abishai ndi ku ŵateŵeti ŵake wose, “Awonani, mwana wa mumoyo mwangu ndiyo wapenja umoyo wangu; ipo uli ukongwako muBenjamini uyu! Murekeni, watuki; pakuti ndimo Ambuya amunene.

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”

1 ŴaKaronga 11:11

Chifukwa cho Ambuya anguti kwaku Solomoni, “Pakuti ili laŵa khumbo lako ndipo ulivi kusunga phanganu langu ndi marangu ghangu ghenigho ndakulanguliya, kwakuneneska ndikaparuwanga ufumu wo kwaku iwe ndipo ndikawupaskanga ku muŵanda wako.

1 ŴaKaronga 11:13

Ndipuuli kuti ndikaparuwanga ufumu wose cha; kweni ndikapaskanga fuku limoza ku mwana wako, chifukwa chaku Davidi mteŵeti wangu ndi chifukwa cha Yerusalemu yo ndasankha.”

1 ŴaKaronga 11:34

Ndipuuli kuti ndikatonga wose cha ufumu ku janja lake; kweni ndikamuchitanga kuŵa wakuwusa mazuŵa ghose gha umoyo wake; chifukwa chaku Davidi muŵanda wangu yo ndingutondo, mweniyo wangusunga malangulu ghangu ndi marangu ghangu.

1 ŴaKaronga 11:35

Kweni ndikatuzgangako ufumu ku janja la mwana wake, ndipo ndikakupaskanga iwe, mafuku chumi.

1 ŴaKaronga 11:36

Kweni ku mwana wake ndikapaskanga fuku limoza alinga kuti Davidi muŵanda wangu waŵe ndi limbuni paurongo pangu mu Yerusalemu, msumba wo ndikusankha kuŵikamo zina langu.

1 ŴaKaronga 11:39

Ndipo chifukwa chaku ichi ndikasuzganga ŵakupapika mwaku Davidi, kweni kuti nyengo yose cha.’ ”

1 ŴaKaronga 22:17

Mikaya wanguti, “Ndinguwona ŵaYisraele wose ŵajaka balali mu mapiri, nge ndi mberere zambura muliska; ndipo Ambuya anguti, ‘Aŵa ŵalivi mbuyawo; we yose wawere ku nyumba yake mu chimangu.’ ”

1 ŴaKaronga 22:36

Pakuserekwa dazi kubangura kunguporota mu liŵanja la nkhondo, “We yose warutenge ku msumba wake, we yose ku charu chake!”

2 Mikoka 10:16

Viyo ŵaYisraele wose ŵanguti ŵawona kuti karonga wengavi kuŵavwiya, ŵanguti kwaku iyo, “Kumbi tendi phande uli mwaku Davidi? Tilivi chihara mu mwana waku Jese. Munthu yose waku imwe warutenge ku hema lake mwa ŵaYisraele mwe! Sono yilereskeni mwija nyumba yinu imwe a Davidi.” Viyo ŵaYisraele wose ŵanguruta ku mahema ghawo.

Sumu 132:17

Penipo nkhapaskanga nthazi ku mphapu yaku, ndamulongosole nyali wakupakika wangu.

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

Yesaya 7:17

Ambuya akatolenga paku iwe ndi pa ŵanthu ŵako ndi pa nyumba ya ausu mazuŵa ghakuti ghalivi kuzapo kale kwamba penipo Efraimu wangutuliyako kwaku Yuda pa kuza ndi karonga wa Asiriya.”

Yesaya 7:2

Penipo ŵanguyinene nyumba yaku Davidi kuti, “Siriya wazomerezgana ndi Efraimu,” mtima wake ndi mtima wa ŵanthu ŵake ungusukunika uli ndimo miti yamu lisuwa yisukunikiya paurongo pa mphepo.

Yeremiya 33:21

iku phanganu langu nalo ndi Davidi mteŵeti wangu likaswekanga viyo kuti wakaŵanga ndi mwana munthurumi cha wakuwusa pa chitengo chake cha ufumu, ndi phanganu langu ndi ŵazukuru ŵaLevi ŵakunditataliya, likaswekanga.

Ezekiele 37:16

“Mwana wa munthu, uto ndodo ulembepo, ‘Yaku Yuda, ndi ŵana ŵaku Yisraele pamoza nayo,’ uto so ndodo yinyake ulembepo, ‘Yaku Yosefe (ndodo yaku Efraimu) ndi nyumba yose yaku Yisraele pamoza nayo’;

Marko 3:24

Asani ufumu ungagaukana mwaku wija, kuti ngwanthazi ku ufumu wo cha.

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Yohane 13:8

Petro wamnene, “Kuti mukasambiskanga marundi ghangu cha muyaya.” Wangumwamuka Yesu, “Asani ndireka kukusambiska, kuti we ndi chigaŵa pamoza nane cha.”

Ŵeruzgi 8:35

ndipo ŵengavi kurongo wezi ku mbumba yaku Yerubala (yo ndi Gideoni) kumuwonga chifukwa cha umampha wose wo wanguchitiya Yisraele.

Ŵeruzgi 9:28

Ndipo Gala mwana waku Ebede wanguti, “Kumbi ndiyani nayo Abimeleke, nanga ifwe taŵa mu Shekemu te ŵayani kuti titeŵetiyenge iyo? Kumbi uyu mwana waku Yerubala ndi Zebulu nduna yake kuti ŵanguteŵete ŵanthu ŵaku Hamoro cha wiske waku Shekemu? Na chifukwa nchine chakuti timutataliyenge?