1 ŴaKaronga 11:7 - Tonga Bible 1986

⁷ Solomoni wanguzenge Kemoshi ukazuzi waku Moabu malo gha pachanya, ndi Moleki ukazuzi wa ŵina Amoni pa phiri kuvuma kwa Yerusalemu.

1 ŴaKaronga 11:7 ပူးပေါင်းရင်းမြစ်များ

Chiyambo 33:2

Ndipo wanguŵika ŵateŵeti ŵanthukazi ndi ŵana ŵawo paurongo, pavuli pawo Leya ndiŵana ŵake, ndi Rakelo ndi Yakobe ku umari waku wose.

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

1 ŴaKaronga 11:5

Chifukwa Solomoni wangurondo Ashitaroti chiuta munthukazi wa ŵaSidoni, ndi Milikomu ukazuzi wa ŵina Amoni.

1 ŴaKaronga 11:6

Viyo Solomoni wanguchita cho chenga chiheni mu maso gha Ambuya, kuti wangurondo Ambuya kwakufikapo cha, ulaka ndimo wanguchitiya Davidi awiske.

1 ŴaKaronga 11:8

Ndipo wanguchitiya kwakukozgana ku ŵawoli ŵake wose ŵachilendo, ŵeniwo ŵangocha vyakusunkhizga ndi ŵanguchitiya sembe ŵachiuta ŵawo.

1 ŴaKaronga 15:12

Wangutuzgamo ŵanthurumi ŵakusopa ŵareŵi mu charu, ndi kutuzgamo ŵangoza wose wo awiske ŵangupanga.

2 ŴaKaronga 23:10

Ndipo ŵangukazuzga Tofeti, yo we mudambo la ŵana ŵaku Hinomu kuti paulevi yumoza wakuti wawochemo mwana wake munthurumi pamwenga mwana wake munthukazi kuŵa mpasku kwaku Moleki.

2 Mikoka 21:11

Ndipo so napu wanguzenga so malo gha pachanya mu mapiri ghaku Yuda, wanguchitiska ŵamu Yerusalemu kuchita ureŵi ndi kuchichizga ŵaYuda kuti nawo ŵachitenge viyo pe.

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Yesaya 44:19

Palivi yumoza wakughanaghana, chingana nkhuti pe zeru pamwenga kuteska kunena kuti, “Chigaŵa chimoza ndinguwocha pa moto, ndipo ndinguwocha chiŵande pa maka ghake, ndinguwocha nyama ndipo ndargha ndipo kumbi ndichitenge vyakujapo vyake kuŵa ukazuzi? Kumbi ndikajikamiyanga paurongo pa muti?”

Yeremiya 32:31

Msumba uwu wayuska kukwiya kwangu ndi ukari, kwamba pa zuŵa lenilo unguzengeke mpaka ku zuŵa lino, sono ndikawutuzgangako ku maso ghangu,

Yeremiya 32:35

Ŵakuzenga vitanthali vyaku Bala mu dambo la mwana waku Hinomu, kwachipereka ŵana ŵawo ŵanthurumi ndi ŵanthukazi kwaku Moleke po ine ndengavi kuŵalanguliya, nanga nkhughanaghana kuti ŵachitenge ukazuzi uwu, kumulakwiska Yuda.

Yeremiya 48:13

Sono Moabu wakalengeskekanga kwaku Kemoshi, nge ndimo nyumba yaku Yisraele yingulengeskeke kwaku Betele, gomezgu lawo.

Yeremiya 48:46

Owe soka kwaku iwe, Moabu we! Ŵanthu ŵamu Kemoshi mbakunangika; chifukwa ŵana ŵinu ŵanthurumi ŵakoreka umkoli, ŵana ŵinu ŵanthukazi ŵaruta ku uŵanda.

Ezekiele 18:12

wakandirizgiya pasi mukavu ndi musauchi, ngwakuphanga, kuti wawezga ngongori cha, wasoske maso ghake ku ŵangoza, wachita unyakazi,

Danyele 11:31

Nkhondo zakutuwa kwaku iyo zizenge kunanga nyumba yaku Chiuta ndi linga lake, zazamtuzgapo sembe yakocha mazuŵa ghose. Ndipo zazamuŵikamo ukazuzi wo upaska mapopa.

Danyele 12:11

Kutuwa pa nyengo yo sembe yakocha ya mazuŵa ghose yikatuzgikangapo ndipo ukazuzi wo uchita umapopa waŵikikapo, vikaŵangako virimika mazuŵa chikwi chimoza ndi machumi pe chumi ghaŵi, pachanya machumi ghankhonde ndi ghanayi (1,290).

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Mika 1:5

Ivi vyose vyaŵako chifukwa cha ulakwi waku Yakobe ndi mauheni gha nyumba yaku Yisraele. Kumbi ulakwi waku Yakobe ngune? Kumbi kuti ndi Samaria cha? Ndipo ulakwi wa nyumba yaku Yuda ngune? Kumbi kuti ndi Yerusalemu cha?

Zekariya 14:4

Mu zuŵa lo marundi ghake ghamenge pa Phiri la Maolivi, lo le panthazi pa Yerusalemu ku atuli gha dazi, ndipo Phiri la Maolivi ligaŵikenge paŵi, kutuwa ku vuma mpaka ku zambwe ndi dambo lisani ukongwa; viyo chigaŵa cha phiri chinderenge ku nkhonde, ndi chinyake ku mwera.

Maŵerengedu 21:29

Soka kwaku iwe, Moabu we! Mwamara, Owe mwa ŵanthu ŵaku Kemoshi! Ŵana ŵake ŵanthurumi waŵachitiska ŵayinga, ndipo ŵana ŵake ŵanthukazi ŵaŵa ŵamikoli, ku karonga wa ŵaAmori, Sihoni.

Maŵerengedu 33:52

mukadikiskanga wose ŵakuja mu charu paurongo pinu, ndipo muphwanye vikozgo vyawo vyose vyakuchongeka mu mya, mubwanganduwe ŵangoza ŵawo wose ŵakuchita kusongono, ndi kuwiskiya pasi malo ghawo ghose gha pachanya;

Mateyu 26:30

Ndipo ŵanguti ŵamba sumu ŵangutuliya ku phiri la Olivete.

Machitidu gha Ŵakutumika 1:12

Sono ŵanguwere ku Yerusalemu kutuwa ku phiri lo lizumbulika Olivete, lo le kufupi ku Yerusalemu, rwendo lapa sabata.

Machitidu gha Ŵakutumika 1:9

Ndipo wanguti wakamba mazu yagha, ŵachilereska iwo, wangutoreke kuchanya; ndipo mtambo ungumronde ku maso kwawo.

Machitidu gha Ŵakutumika 7:43

Nadi mungunyamuwa hema laku Moleke, ndi nyenyezi yo ya chiuta Rafane yo, vikozgo vyenivyo mungwata kuvilambiya, ndipo ndamkukusamiskiyani kurweka ku Babiloni.’

Marangu 13:14

viyo mukafumbiske ndi kupenjeska, ndi kufumbiriya ndi phamphu. Ndipo asani mbuneneska, nchakupanikizgika kuti chinthu cha ukazuzi waviyo chachitika mukati mwinu,

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

Ŵeruzgi 11:24

Kumbi iwe kuti ukaharanga cho chiuta wako Kamoshi watukupaska ku hara cha? Ndikuti chose cho Ambuya Chiuta widu wakwamphuwa paurongo pidu ifwe nafwe tikachiharanga.