1 ŴaKaronga 11:4 - Tonga Bible 1986

⁴ Chifukwa penipo Solomoni wangukota ŵawoli ŵake ŵangupuruskiya mtima wake kukurondo ŵachiuta ŵamwenga; ndipo mtima wake kuti wenga wakuneneska kwakufikapo cha ku Ambuya Chiuta wake, nge ndi mo wenge mtima waku Davidi awiske.

1 ŴaKaronga 11:4 ပူးပေါင်းရင်းမြစ်များ

1 ŴaKaronga 11:2

kutuwa ku mitundu yeniyo Ambuya anguti ku khamu la Yisraele, “Kuti mukaserenga mukutorana nawo cha, chingana ndiwo ndi imwe, chifukwa kwakuneneska ŵakanyongolenga mtima winu ku kurondo ŵachiuta ŵawo,” Solomoni wangujibatika kwaku yaŵa mu chanju.

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 11:38

Ndipo asani ukavwiyanga vyose vyo nditukulanguliya, ndipo ukendanga mu nthowa zangu, kuchita chenicho nchakurunjika mu maso ghangu pakusunga marangu ghangu ndi malangulo ghangu, ulaka ndimo wanguchitiya Davidi muŵanda wangu, ndikaŵanga nawe, ndipo ndikuzengiyenge nyumba yeneko, nge ndimo ndinguzenge nyumba yeneko, nge ndimo ndinguzenge Davidi, ndipo ndikupaskenge Yisraele.

1 ŴaKaronga 11:42

Nyengo yo Solomoni wanguusiya mu Yerusalemu pa ŵaYisraele yenga virimika machumi ghanayi (40).

1 ŴaKaronga 11:6

Viyo Solomoni wanguchita cho chenga chiheni mu maso gha Ambuya, kuti wangurondo Ambuya kwakufikapo cha, ulaka ndimo wanguchitiya Davidi awiske.

1 ŴaKaronga 11:9

Ndipo Ambuya angumukwiyiya Solomoni chifukwa mtima wake ungutuwako ku Ambuya, Chiuta waku Yisraele, yo wangumuwoneke kwakaŵi,

1 ŴaKaronga 14:21

Sono Rehoboamu mwana waku Solomoni wanguwusa mwaku Yuda. Rehoboamu wenga wavirimika machumi ghanayi ndi chimoza (41) wachamba kuwusa, ndipo wanguwusa virimika chumi pachanya vinkhonde ndi viŵi (17) mu Yerusalemu, msumba wo Ambuya angusankha mukati mwa mitundu yose yaku Yisraele, kuŵika zina lawo mwenimuwa. Zina la anyina lenga Nama mwina Amoni.

1 ŴaKaronga 15:14

Kweni malo gha pachanya kuti ghangutuzgikamo cha. Ndipuuli mtima waku Asa wenga wauneneska kwakufikapo ku Ambuya mu mazuŵa ghake ghose.

1 ŴaKaronga 15:3

Ndipo wangwenda mu mauheni ghose gho awiske ŵanguchita paurongo pake, ndipo mtima wake kuti wenga wa uneneska kwakufikapo cha ku Ambuya Chiuta wake, nge ndi mtima waku Davidi awiske.

1 ŴaKaronga 3:3

Solomoni wangwanja Ambuya, wakwenda mu marangu ghaku Davidi wiske; chimoza pe, wangupereka sembe zakocha pa malo gha pachanya.

1 ŴaKaronga 6:1

Mu chirimika cha machumi pe chumi ghanayi ndi machumi ghankhonde ndi ghatatu (480) ŵaYisraele ŵati ŵatuwa mu charu cha Egipiti, mu chirimika cha chinayi cha muwusu waku Solomoni pa ŵaYisraele, mu mwezi wa Zivu, wo ndi mwezi wachiŵi, wangwamba kuzenga nyumba ya Ambuya.

1 ŴaKaronga 8:61

Muchite mitima yinu kuŵa yakuneneska kwakufikapo pa Ambuya Chiuta widu, kwenda mu marangu ghake ndi kusunga malangulu ghake, nge ndi zuŵa lino.”

1 ŴaKaronga 9:10

Pa umari wa virimika machumi ghaŵi (20), mwaku vyo Solomoni wanguzengiyamo nyumba zo ziŵi, nyumba ya Ambuya ndi nyumba ya karonga,

1 ŴaKaronga 9:4

Ndipo kwaku iwe, asani ukendanga paurongo pangu ulaka ndimo Davidi auso ŵangwende, mu ukongorekwa wa mtima ndi kunyoroka, kuchita kwakulingana ndi vyose vyenivyo, ndakulanguliya, kusunga marangu ghangu ndi vyeruzgu vyangu,

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

1 Mikoka 29:19

Mupaske kwaku Solomoni mwana wangu mtima wakufikapo kusunga marangu ghinu, visimikizgu vinu, ndi vilayizgu vinu ndi kuchita vyose ivi ndi kuti wazenge nyumba yo ndalongosole limu vya nchitu yake.”

2 Mikoka 17:3

Ndipo Chiuta wenga nayo Yehosafati chifukwa wendanga mu nthowa zakudanga, wengavi kupenja ŵaBala.

2 Mikoka 25:2

Wanguchita cho chenga chakurunjika mu maso gha Ambuya, kweni kuti ndi mtima wakufikapo nkhani kurunjika cha.

2 Mikoka 34:2

Wanguchita cho nchamampha mu maso ghaku Chiuta, ndipo wangwenda munthowa zaku Davidi mbuyake; kuti wangupatukiya cha ku lamarghe pamwenga lamaze.

Chituwa 20:3

“Kuti ukajanga ndi ŵachiuta ŵanyake pa maso pangu cha.

Marangu 17:17

Ndipo wangaŵanga ndi ŵawoli ŵanandi cha, vinu mtima wake ungang'anamukiya pa dondo, chingana nkhuti wajandaniskiyenge ndrama za golide ndi siliva cha.

Marangu 7:4

Chifukwa ŵapatuskenge ŵana ŵinu kurondo ine kuti ŵateŵete ŵachiuta ŵanyake. Viyo ukari wa Ambuya ukakolenga kumikana namwe, ndi kumuparghang'ani.