1 ŴaKaronga 11:14 - Tonga Bible 1986

¹⁴ Ndipo Ambuya anguyuska wakupindikana ndi Solomoni, Hadadi mu Edomu, wenga wa nyumba ya ufumu mu Edomu.

1 ŴaKaronga 11:14 ပူးပေါင်းရင်းမြစ်များ

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

1 ŴaKaronga 11:13

Ndipuuli kuti ndikaparuwanga ufumu wose cha; kweni ndikapaskanga fuku limoza ku mwana wako, chifukwa chaku Davidi mteŵeti wangu ndi chifukwa cha Yerusalemu yo ndasankha.”

1 ŴaKaronga 11:15

Chifukwa penipo Davidi wenga mu Edomu, Yoabu wakulangula ŵankhondo wanguruta kwachiŵika, ŵakubayika wangubaya munthurumi yose

1 ŴaKaronga 11:23

Chiuta wanguyuska so Rezoni mwana waku Eliada, nge ngwakupindikana kwaku iyo, yo wanguthaŵa ku mbuyake Hadadezeri karonga waku Zeba.

1 ŴaKaronga 12:15

Viyo karonga kuti wanguvwa gha ŵanthu cha; pakuti kwenga kugadabuka kwa vinthu ko kunguchitika ndi Ambuya mwakuti ŵafiske mazu ghawo, gho Ambuya angurongorore mwaku Ahija ku Shilo kwaku Yeroboamu mwana waku Nebati.

1 Mikoka 5:26

Sono Chiuta waku Yisraele wanguvunduwa mzimu waku Puli karonga wa Asiriya, ndi mzimu waku Tilgati-Pilnezara karonga wa Asiriya, ndipo wanguyora wose, ŵine Rubene, Gadi, ndi nusu la fuku laku Manase, wanguza nawo ku Hala, Habori, Hara ndi ku msinji wa Gozani, mpaka zuŵa lino.

Yesaya 10:26

Ndipo Ambuya ŵa maŵanja akasoskiyanga paku wo likwechu, nge ndimo angukosole Midiani pa jarawe la Orebe, ndipo nthonga yawo yikaŵanga pachanya pa nyanja, ndipo akayisoskanga nge ndimo anguchitiya mu Egipiti.

Yesaya 10:5

A! Asiriya nthonga ya kukara kwangu, ndodo ya ukari wangu!

Yesaya 13:17

Ehe, ndiyuska mitima ya ŵaMede, ŵeniwo kuti ŵaphwereko ndi siliva cha, ndipo ŵalivi likondwa mu golide.

Maŵerengedu 24:18

Edomu wakapokekanga, Seiri nayo, ŵakupindikana ŵake, ŵakapokanga, penipo Yisraele wakachitanga ndi nthazi.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’