1 ŴaKaronga 10:22 - Tonga Bible 1986

²² Chifukwa karonga wenga ndi mpingu wa vyombo vinandi vyaku Tarshishi mu nyanja pamoza ndi mpingu wa vyombo vyaku Hiramu. Kamoza pa virimika vitatu vyombo vyaku Tarshishi vinguziŵiriya kuza ndi golide, siliva minyanga ya njovu, ŵapusi ŵambura michiya ndi viyuni vya pikoko.

1 ŴaKaronga 10:22 ပူးပေါင်းရင်းမြစ်များ

Chiyambo 10:4

Ŵana ŵanthurumi ŵaku Javana: Elisha, Tarshishi, Kitimi, ndi Dodanimi.

1 ŴaKaronga 10:18

Karonga wanguchita sochitengo chikuru cha minyanga ya njovu, wanguchizganga ndi golide lamampha kwakuruska.

1 ŴaKaronga 10:21

Vyakumwiyamo vyose vya karonga Solomoni vyenga vya golide, ndipo viyaŵi vyose vya nyumba ya Lisuwa la Lebanoni vyenga vya golide lakwengeka; pengavi nanga nchimoza cha vyasiliva, ivi kuti ŵangusanduska kanthu cha mu mazuŵa ghaku Solomoni.

1 ŴaKaronga 22:48

Yehosafati wangupanga ngaraŵa zaku Tarshishi, zakuya ku Ofiri kwachito golide, kweni kuti zinguruta cha, chifukwa ngaraŵa zingusweke pa Ezioni geberi.

1 ŴaKaronga 22:49

Sono Ahaziya mwana waku Ahabu wanguti kwaku Yehosafati: “Zomera kuti ŵaŵanda ŵangu ŵaruti ndi ŵaŵanda ŵako mu zingaraŵa.” Kweni Yehosafati kuti wangukhumba cha.

1 ŴaKaronga 9:26

Karonga Solomoni wangupanga ngaraŵa zinandi pa Ezioni-Geberi, po mphafupi ndi Eloti pa likumba la Nyanja Yiyera mu charu cha Edomu.

2 Mikoka 9:21

Pakuti ngaraŵa za karonga zinguruta ku Tarshishi ndi ŵateŵeti ŵaku Hiramu; mu virimika vitatu ngaraŵa zaku Tarshishi zinguza kamoza pe ndi golide, ndi siliva, ndi minyanga ya njovu, ndi vipasi, ndi viyuni vya visukupiko vitali.

Jobu 39:13

“Mapapa gha ngaro ghakupakupa kwakujikuzga; kumbi mapapa ghake gharongo chanju?

Sumu 48:7

Ndi mphepo ya kuvuma munguswa ngaraŵa zaku Tarshishi.

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

Yesaya 2:16

kumikana ndi ngaraŵa zose zaku Tarshishi, ndi kumikana ndi vyakusema-sema vyose vya manyanda.

Yesaya 23:1

Ghakukambika gha pa Turo. Tenjeni mwa ngaraŵa zaku Tarshishi, pakuti Turo wachitika mapopa, walivi nyumba pamwenga phota! Kutuliya ku charu cha Kupro chavumbulika kwaku wo.

Yesaya 23:10

Sapatiskani charu chinu nge ndi msinji wa Nile, mwa ŵamu Tarshishi; kulivi so kukanizga.

Yesaya 23:6

Rutani ku Tarshishi, tenjeni, mwa ŵakuja mu likumba!

Yesaya 60:9

Pakuti vyaru vyamu malikumba vikandilindizganga, ngaraŵa zaku Tarshishi ndizo zikadanganga, kuza ndi ŵana ŵako ŵanthurumi kutuwa kutali, ŵakupinga siliva ndi golide wawo pamoza nawo, kupingiya zina la Ambuya Chiuta winu, ndi chifukwa cha Mtuŵa Yumoza waku Yisraele, chifukwa wamukankhuskani imwe.

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Ezekiele 27:12

“Tarshishi wanguchita nawe maronda chifukwa cha usambasi wako unandi wa mtundu mtundu; siliva, chisulo, tini, ndi muthovu wo ŵangusinthiskana ndi maronda ghako.

Ezekiele 27:15

Ŵanthu ŵakuRodo ŵanguchita nawe maronda; malikumba ghanandi gha nyanja ghenga misika yako yakuziŵikwa, pakuzachikulipa iwe ŵangukupingiya minyanga ya njovu ndi miti ya mbawa.

Amosi 3:15

Nkhapumanga nyumba ya chifuku ndi nyumba ya chihanya; ndi nyumba za minyanga, zikanangikanga, ndipo nyumba zikuru zamumara,” atiti Ambuya.

Yona 1:3

Kweni Yona wangusoka kuthaŵiya ku Tarshishi, kutuwapo paurongo pa Ambuya wangusikiya ku Yopa, ndi wangusaniya ngarawa yakulazgiya ku Tarshishi. Viyo wanguripa maripiro pakiyo, ndi wangusere mwaku yo, kuruta nawo ku Tarshishi, kuthaŵa paurongo pa Ambuya.