1 ŴaKaronga 10:13 - Tonga Bible 1986

¹³ Ndipo karonga Solomoni wangupaska fumukazi yaku Sheba, chose cho yingukhumba yingupaskika chose cho yingupempha kusazgiyapo pa vyaulera vyo karonga Solomoni wanguyipaska. Viyo yinguwere vuli ku charu chake, pamoza ndi ŵaŵanda ŵake.

1 ŴaKaronga 10:13 ပူးပေါင်းရင်းမြစ်များ

1 ŴaKaronga 10:12

Ndipo karonga wanguchita mizati ya nyumba ya Ambuya ndi nyumba ya karonga ndi miti ya muŵaŵa, ŵakaligu ndi ŵabangwi vya ŵakumba; palivi so miti yinyake ya muŵaŵa yo yikuza chingana nkhuwoneka, mpaka ku zuŵa lino.

1 ŴaKaronga 10:14

Uzitu wagolide lo linguza kwaku Solomoni mu chirimika chimoza lenga matalente machumi pe chimi ghankhonde ndi limoza ndi machumi ghankhonde ndi limoza ndi ghankhonde ndi limoza (666), matalente gha golide,

1 ŴaKaronga 10:2

Yinguza ku Yerusalemu ndi mpingu ukuru wa ŵakuyilinda, ndi ŵagamila ŵakunyamuwa vya chema, ndi golide linandi, ndi mya yakuzirwa ya pachanya, ndipo yinguti yaza kwaku Solomoni yingumunene vyose vyenivyo vyenga mu mtima wake.

1 ŴaKaronga 9:1

Solomoni wanguti wamara kuzenga nyumba ya Ambuya ndi nyumba ya karonga ndi chose cho Solomoni wangunweka kuzenga,

2 Mikoka 9:12

Ndipo karonga Solomoni wangupaska fumukazi yaku Sheba vyose vyo wangukhumba, chose cho wanguromba kwambura kuŵerengiyako vyo iyo wanguza navyo ku karonga. Viyo wanguwere ku charu chake.

Sumu 20:4

Wakupaske nge nkhunkhumba kwa mtima wako, ndi kufiska fundu zako zose!

Sumu 37:4

Kankhaŵiya mu Ambuya, ndipo akakupaskanga cho mtima wako unweka.

Mateyu 15:28

Sono Yesu, wakumwamuka, wangumunene, “Wamunthukazi'we, nchikuru chivwanu chako: kuŵiye iwe uli ndimo ukhumbiya.” Ndipo wanguchizgika mwana munthukazi wake paora leniliya.

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,