1 ŴaKaronga 1:31 - Tonga Bible 1986

³¹ Viyo Betesheba wangukotamiya chisku chake pasi, ndi wangulambiya karonga, wanguti, “Kuchitike kuti mbuyangu karonga Davidi waŵe wamoyo muyaya.”

1 ŴaKaronga 1:31 ပူးပေါင်းရင်းမြစ်များ

2 Samuele 9:6

Ndipo Mefiboshete mwana waku Jonafani, mwana waku Sauli wanguza kwaku Davidi, ndipo wanguwa pamaso pake kumulambiya. Ndipo Davidi wanguti, “Mefiboshete!” Iyo wangwamuka, “Awonani, ndamteŵeti winu.”

1 ŴaKaronga 1:25

Chifukwa wasika msana wale wapereka sembe yang'ombe, vyakututuŵa, ndi mberere zinandi ukongwa, ndipo wadana ŵana wose ŵa karonga, Yoabu mura wankhondo ndi Abiatara mzukuru; ndipo ehe, ŵaturgha ndi kumwa paijrongo pake, ndipo ŵatiti, ‘Waive wa umoyo utali karonga Adoniya!’

Nehemiya 2:3

Ndinguti ku karonga, “Waje wamoyo muyaya karonga! Chingareka uli kuzimbwa chisku changu, penipo msumba, malo gha miunda ya ada, nga uyiku ndi malikomo ghakufya ndi moto?”

Estere 3:2

Ndipo ŵateŵeti wose ŵa karonga ŵapa likomo la karonga ŵangukotama ndi kumlambiya Hamani, chifukwa karonga wangulangula viyo paku iyo.

Danyele 2:4

Viyo ŵaKaldiya ŵanguti ku karonga, “Karonga mujaliliye ŵamoyo! Tineniyeni taŵaŵanda ŵinu loto, ndipo timukambiyeninge cho ling'anamuwa.”

Danyele 3:9

Ŵanguti ku karonga Nebukadanezara, “Imwe karonga mujaririye ŵamoyo!

Danyele 5:10

Fumukazi ya karonga, pa chifukwa cha mazu gha karonga ndi nduna zake, yinguza mu chipinda cha dghera. Ndipo yinguti, “Karonga mujaliliye ŵamoyo muyaya, maghanaghano ghinu ghangamsuzganinga cha nanga nkhusanduka kwa kawonekedu kinu.

Danyele 6:21

Ndipo Danyele wanguti ku karonga,

Danyele 6:6

Viyo ŵarongozgi yaŵa ndi mafumu yagha ŵanguza ku karonga ndi ŵanguti kwaku iyo, “Karonga Dariusi, ujaririye wamoyo muyaya!

Mateyu 21:37

Kweni pavuli wangutumizga kwaku wo mwana wake, wakuti, ‘Ŵamuphwerenge mwana wangu.’

ŴaEfeso 5:33

Kweni imwe namwe, yumoza ndi yumoza, yose wamwanjenge viyo muwoli wake waku yija nge ndi yija; ndipo muwoli wope murumi wake.

ŴaHebere 12:9

Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?

1 Samuele 20:41

Wanguti waruta munyamata yuwa, Davidi wangusotopoka pa muru wa mya, wanguwa pasi kavunama wangukotama katatu; ndipo ŵangufyofyonthana yumoza ndi munyake, ndi kuliriyana yumoza ndi munyake, kweni Davidi wanguliya kwakuruska.

1 Samuele 24:8

Pavuli Davidi nayo wangusoka, wangutuliya kubwaro, wangudana pavuli paku Sauli, wakuti, “Mbuyangu karongo!” Pakung'anamuka Sauli, Davidi wangukotama mutu wake pasi wangumulambiya.