1 Timote 5:8 - Tonga Bible 1986

⁸ Kweni asani munthu wareka kuŵarongosole limu ŵaku yija, ndi viŵiviŵi ŵapake pa nyumba, wakana chivwanu, ndipo ndi muheniko kwakuruska mzira chivwanu.

1 Timote 5:8 ပူးပေါင်းရင်းမြစ်များ

Chiyambo 30:30

Pakuti wenga ndi zimanavi ndenga ndindaze ine, ndipo zandana kwakuzala; ndipo Ambuya akutumbika kweniko kose ndinguruta. Kweni sono ndi zuŵanji po ndisakatiskenge ŵa nyumba yakundamwene?”

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Mateyu 18:17

Ndipo asani wareka kuvwa iwo, unene mpingu wo; kweni asani chingana nkhu mpingu wareka kuvwa, sono waŵe kwako nge ngwa mtundu ndi wamsonkho.

Mateyu 7:11

Viyo asani imwe chingana mwe ŵaheni, muziŵa kupaska mipasku yamampha ku ŵana ŵinu, na uli ukongwa Auskemwe ŵakuchanya ŵapaskenge vyamampha ku ŵakuŵapempha?

Yohane 15:22

Asani ndengavi kuza ndi kurongoro nawo, mphanyi ŵengavi ulakwi; kweni sono ŵalive mphandira wapa ulakwi wawo.

1 ŴaKorinte 6:6

Kweni awonani mbali watole mbali ku mphara, paurongo pa ŵazira chivwanu!

2 ŴaKorinte 12:14

Awonani kachitatu yaka ndirongosole kuza kwinu. Ndipo kuti nkhamzitiskaninga cha, chifukwa kuti ndipukwa vinu cha, kweni ndipukwa imwe: chifukwa kuti kuyiyamu ŵana kuŵikiya ŵapapi ŵawo mbiku cha, kweni ŵapapi ku ŵana.

2 ŴaKorinte 6:15

Ndipo ŵayana uli Kristu ndi Beliale? Pamwenga ngane masanga gha ŵachivwanu ndi ŵambura chivwanu?

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

2 Timote 2:12

asani tikunthiyapo, tiusiyenge pamoza nayo: asani timkanenge, iyo nayo wamkana ifwe:

2 Timote 3:5

ŵakuŵa ndi chikozgu cha uwopa Chiuta kweni ŵakukana nthazi yake; kwaku ŵeniwo nawo gaukako.

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

Yuda 1:4

Chifukwa ŵakwaŵiyamo kwaudeke ŵanthu ŵanyake wo kali ŵangutemeke limu ku chisusa chenichi, ŵambura uwopa Chiuta, ŵakusanduska wazi waku Chiuta widu ku uyaya, ndi ŵakumkana mweneko yija ndi Mbuyafwe Yesu Kristu.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Chivumbuzi 3:8

“ ‘Ndiziŵa nchitu zako. Awona, ndaŵika paurongo pako khomo lakujuriko, lenilo palive yumoza ngwanthazi kujara; ndiziŵa we ndi nthazi kweni yimanavi, ndipuuli wasungirizga mazu ghangu, kuti walikana zina langu cha.