1 Timote 4:7 - Tonga Bible 1986

⁷ kweni nthanu zamtonyoru ndi zaukhongwe kananga. Kweni ujilimbiskiye ku uwopa Chiuta:

1 Timote 4:7 ပူးပေါင်းရင်းမြစ်များ

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

1 Timote 1:4

ndi so kureka kuphwere zinthanu ndi vikazi vyambura umari, vyenivyo vitata malifumbafumba ukongwa kwakuruska mlimu waku Chiuta wamu chivwanu; sono nako ndichitiya viyo.

1 Timote 1:9

wakuziŵa ichi, kuti dangu lilive kuŵikikiya murunji, kweni likuŵikikiya ŵambura kuziŵa dangu ndi ŵambura kuvwiya, ŵambura kopa Chiuta ndiŵalakwi, ŵambura urunji ndi ŵamtafu, ŵakubaya-ŵauskeu ndi ŵakubaya-ŵanyinawo, ŵakubaya ŵanthu,

1 Timote 2:10

kweni (chenicho chitenere ŵanthukazi wo ŵazomerezga uwopa Chiuta) ndi nchitu zamampha.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

1 Timote 6:11

Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

1 Timote 6:20

Timote we, sungirizga chakupazgika cho; pambukako ku makani ghamtonyoru ndi kuvimikiranu vya mziŵiru wo, weniwo utamulika viyo kwautesi;

1 Timote 6:3

Asani yumoza wasambizga chinyake, ndi wareka kuzomerezga mazu ghazirima, gho gha Ambuyafwe Yesu Kristu, ndichisambizgu cha uwopa Chiuta,

1 Timote 6:5

ndi mihohotu ya ŵanthu, wo mbakuwo mu njuŵi ndi ŵakukavuka uneneska wo, pakughanaghana kuti uwopa Chiuta mbuparauzi.

2 Timote 2:16

Kweni ŵeka mauŵereŵesi ghamtonyoru ghaŵaka: chifukwa ghataruliyenge ukongwa ku uwura-uwopa Chiuta,

2 Timote 2:23

Kweni mafumbo ghakupusa ndi ghajira kananga, pakuziŵa kuti ghayuska mbembi.

2 Timote 3:12

Nadidi, ndipo wose ŵakukhumba kujariya kwauwopa Chiuta mvyaku Kristu Yesu ŵayuzgikenge.

2 Timote 3:5

ŵakuŵa ndi chikozgu cha uwopa Chiuta kweni ŵakukana nthazi yake; kwaku ŵeniwo nawo gaukako.

2 Timote 4:4

ndipo ŵarekenge kuvwa uneneska wo, ndipo ŵang'anamukiyenge ku zinthanu.

Tito 1:14

Ndi kuphwere cha nthanu za uYuda ndi malangulu gha ŵanthu ŵakupambukako ku uneneska wo.

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

Tito 3:9

kweni mafumbo ghakupusa, ndi vikazi, ndi zindewu, ndi masuskano ghapa langulu, ŵekanga; chifukwa ndivyo vyambura chanduku ndi vyaŵaka.

ŴaHebere 5:14

Kweni chakurgha chakukhoma ncha ŵara, ŵeniwo mu kupiripita ŵe ndi vinjeru vyawo vyakurongosoleka kuteska chamampha ndi so chiheni.