1 Timote 4:6 - Tonga Bible 1986

⁶ Asani uŵakumbuska ŵabali ndi vyenivi, uŵenge mteŵeti mweneko waku Kristu Yesu, wakulereka mu mazu gha chivwanu, ndi gha chisambizgu cheneko chenicho warondo kuno ku le:

1 Timote 4:6 ပူးပေါင်းရင်းမြစ်များ

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

Tito 2:1

Kweni kambanga iwe vinthu vyenivyo vitenere sambizgu lizirima lo,

ŴaKolose 4:7

Vyose vya paku ine wamkukuziŵiskani Tukhiko, mbali wakwanjiwa ndi mteŵeti wamagomekezgeka, ndi muŵanda-munyangu mu Mbuya.

Mateyu 13:52

Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.

1 Petro 2:2

nge mbamjedu ŵakuwa sono, fwenkhiyani mkaka wo wamzimu wambura jufyu, alinga kuti mwaku weniwo mukuliyenge ku utaski,

2 Timote 4:3

Chifukwa yikazanga nyengo penipo ŵarekenge kuvwiyapo chisambizgu cho chizirima kweni pakuŵa ndi makutu ghakunyenye, ŵajiunjikiyenge ŵasambizgi kwakuyana ndi malikhumbira ghaku ŵija;

2 Timote 3:10

Kweni iwe ungurondo chisambizgu changu, kendedu, khumbu, chivwanu, chilekerezga, chanju, unkhunthiya,

2 Timote 1:6

Chifukwa chenicho ndikukumbuska kuti ukhozge chaulera cho chaku Chiuta, chenicho che mwako mu kuŵikapo kwa manja ghangu.

1 Timote 6:3

Asani yumoza wasambizga chinyake, ndi wareka kuzomerezga mazu ghazirima, gho gha Ambuyafwe Yesu Kristu, ndichisambizgu cha uwopa Chiuta,

1 Timote 4:16

Jichenjeriyenge wamweni, ndi so ku chisambizgu chako. Jaririyanga mwaku vyenivi; chifukwa pakuchita chenichi ujitaskenge wamweni ndi wo ŵatukuvwa.

1 Timote 1:10

ŵareŵi, ŵakura ndi ŵanthurumi, ŵachivwamba, ŵatesi, ŵakurapa kwautesi, ndi kose kanyake asani kamikirana ndi chisambizgu chizirima;

1 ŴaTesalonika 3:2

ndipo tingutuma Timote, mbali widu ndi mteŵeti waku Chiuta mu evangeli waku Kristu, kwachikhozge imwe, ndi kumsangaruskani mu chivwanu chinu;

ŴaKolose 2:19

ŵambura kukoreska pa Mutu wo, pakuti kutuwa ku Mutu wo liŵavu ndi viŵaru vyose pakumangika pamoza vironde kovyeka kwawo, viyo pakurangizgika pamoza vikuwa kwakulingana ndi khumbo laku Chiuta.

ŴaFilipi 3:16

Kweni tiyeni cho taronde tichikoreze mu uneneska.

ŴaEfeso 6:21

Kweni kuti muziŵe namwe vyakuchiri kwangu, mo ndiriri, wamziŵiskeninge vyose Tukhiko, mbali yo wakwanjiwa ndi mteŵeti wamagomekezgeka mu Mbuya.

2 ŴaKorinte 6:4

kweni mu chinthu chose taŵakujipereka ngembateŵeti ŵaku Chiuta mu unkhunthiya ukuru ukongwa, mu masuzgu, mu malikwaŵezeka, mu malifyeku,

2 ŴaKorinte 3:6

Mweniyo so watenereska kuŵa ŵateŵeti ŵa chipanganu chifya, cha lembo cha, kweni cha mzimu; chifukwa lembo lo libaya, kweni Mzimu ndiyo wapaska umoyo.

1 ŴaKorinte 4:17

Chifukwa chenichi ndamtumiyani Timote, mwana wangu wakwanjiwa ndi wamagomekezgeka mu Mbuya, mweniyo wazamkumbuska imwe mendedu ghangu ghamwaku Kristu, uli ndimo kosekose ndisambizgiya mu mipingu yose.

ŴaRoma 15:15

Kweni ndakulembiyani kwaulera, kurwandi nge nkhumkumbuskani, chifukwa cha wezi wakupaskikiya ine ndi Chiuta,

Machitidu gha Ŵakutumika 20:35

Mwaku vyose ndakurongoni, kuti mwaŵakutakatakiya viyo mutenere kuwovya ŵakutomboroka, ndi kukumbuka so mazu gha Ambuya Yesu, po wanguti iyo, ‘Nkhwamwaŵi kupaska kwakuruska kuronde.’ ”

Machitidu gha Ŵakutumika 20:31

Chifukwa chenichi khazgani imwe, mwaŵakukumbuka kuti virimika vitatu, usiku ndi msana, kuti ndingureka cha ndi masozi kukuchenjezgani munthu yose.

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Nthanthi 4:2

pakuti nditukupaskani masambiru gha ujazi wamampha: mungatayanga sambizgu langu cha.

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

Luka 1:3

kunguwoneka kwamampha kwaku ine nane, ndati ndarondo kutuwa ku chiyambo vyose urusu urusu, kukulembiyani mluliku, akweni Teofilo,

Machitidu gha Ŵakutumika 1:15

Ndipo mu mazuŵa ghenagha wangusoka Petro mukati mu ŵabali wo, ndipo wanguti (unandi nawo wa ŵanthu pamoza wenga akhumba machumi pe chumi ndi machumi ghaŵi),

2 ŴaKorinte 11:23

Kumbi mbateŵeti ŵaku Kristu? (Ndirongoro nge ngwauzereza) ine kwakuruska; mu mautakataka kwakuruska, mu magoŵa kwakuruska, mu malikwechu kwambura kupendeka, mu zinyifwa panandi.

ŴaFilipi 2:20

Chifukwa ndirive yumoza wakuyana nayo, yo wangaphwere kaunthu vya paku imwe.

ŴaFilipi 2:22

Kweni umampha Timote muzi ŵa, mo nge ndi mwana ndi wiske, wateŵete pamoza nane mu kutaula uthenga wamampha.