1 Timote 4:3 - Tonga Bible 1986

³ ndi mbakukanizga kutorana, ndi mbakulanguliya kufunga ku vyakurgha, vyenivyo Chiuta wangwatiya kurondeka kwakuwonga ndi ŵakuvwana ndi ŵakuziŵiska uneneska wo.

1 Timote 4:3 ပူးပေါင်းရင်းမြစ်များ

Chiyambo 9:3

Chinthu chose chakwenda cho nchamoyo chikaŵanga kurgha kwinu; nge ndimo ndingukupaskiyani mbeu ziŵisi, nditukupaskani vyose.

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.

Danyele 11:37

Waphwerenge ŵachiuta wa awiske cha, pamwenga yo wakwanjika ndi ŵanthukazi. Waphwerenge chingana ndi Chiuta we yose cha, chifukwa wajikwezgenge pachanya paku wose.

Mateyu 14:19

Ndipo wati walanguliya mizinda kuteka pasi pa uteka, ndipo wati waronde viŵande vyo vinkhonde ndi somba zo ziŵi, wakulereska kuchanya wangutumbika, ndipo wati wamenya wangupaska viŵande ku ŵasambizi, ndi ŵasambizi wo ku mizinda.

Mateyu 15:11

Chakusere mu mlomo kuti chikazuzga munthu cha, kweni chakutuwa mu mlomo ndichu chikazuzga munthu.”

Mateyu 15:36

wakuto viŵande vyo vinkhonde ndi viŵi ndi somba; ndipo, wakuwonga, wangumenya, ndi wangupaska ku ŵasambizi, ndi ŵasambizi ku mizinda yo.

Luka 24:30

ndipo kunguŵa, wachija nawo pa kurgha, wanguti wato chiŵande, wanguchitumbika, ndipo wanguti wamenya, wapaskanga kwaku wo.

Yohane 6:23

Kweni tunguzako tungaraŵa twakutuwa ku Tiberia kufupi ndi malo gho ŵangurghiyako chiŵande cho, wati ŵawonga Ambuya.

Machitidu gha Ŵakutumika 27:35

Ndipo wanguti wakamba viyo, wanguto chiŵande, wangumwonga Chiuta paurongo paku wose, ndipo wanguti wamenya, wangwanda kurgha.

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

ŴaRoma 14:3

Yo waturgha wangamyeya cha yo wareka kurgha; ndipo yo wareka kurgha wangamsuska cha yo waturgha; chifukwa Chiuta wamronde.

ŴaRoma 14:6

Yo waphwere zuŵa, ku Mbuya waliphwerere: ndipo yo waturgha, ku Mbuya waturghiya, pakuti wamuwonga Chiuta; ndipo wakureka kurgha, ku Ambuya walive kurghiya, ndipo wamwonga Chiuta.

1 ŴaKorinte 6:13

“Vyakurgha vikuŵiyako chifukwa cha rufu, ndi rufu chifukwa cha vyakurgha”: kweni Chiuta wakamaranga ilo ndi ivyo so. Kweni liŵavu kuti nda ku ureŵi cha, kweni ku Ambuya; ndi Ambuya ku liŵavu.

1 ŴaKorinte 7:28

Kweni asani napo ungato kuti walakwa cha; ndipo asani mbeta yingaŵirwa kuti yalakwa cha. Kweni kwaku wo ŵatorana ŵaŵenge ndi suzgu mu umoyo waliŵavu: ndipo ine fundu yangu njakumutuzganiko.

1 ŴaKorinte 8:8

Kweni chakurgha kuti ndicho chititore ifwe pa maso paku Chiuta cha: asani tireka kurgha kuti ndipo te ŵaheni kwakuruska cha, asani titurgha kuti ndipo te ŵamampha kwakuruska cha.

ŴaKolose 2:16

Viyo wareke munthu kumweruzgiyani kuchiri ku kurgha, pamwenga kukumwa, pamwenga ku dghera, pamwenga ku mwezi ufya, pamwenga ku masabata.

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

1 Timote 2:4

mweniyo wakhumba ŵanthu wose kutaskika ndi kufikapo pa mziŵiru wa uneneska.

1 Timote 4:4

Pakuti chakwatika chose chaku Chiuta nchamampha, ndipo kangakanizgika kanthu cha, asani karondeka ndi kuwonga;

1 Timote 5:14

Viyo na ndikhumba vimanako kuŵirwa so, kupapa ŵana, kuruliska nyumba, kupaska nyengo cha ku ŵamawongu yaku titukiya:

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

1 Samuele 9:13

Mutakuti mwasere mu msumba, mumusaniyenge, wenga wandarute kwa chirgha pa malo gha pachanya; chifukwa ŵanthu kuti ŵangargha cha mpaka penipo iyo waza pakuti ndiyo watenere kudanga kutumbika sembe; sono pavuli ndipo ŵakudanika wo ŵarghenge Viyo kwerani mukumanenge nayo sosonukweni.”