1 Timote 2:9 - Tonga Bible 1986

⁹ Kwakulingana nako, ŵanthukazi nawo ŵajidyoŵe mu chivwaru chakutowa, ndi soni ndi ndi chinjeru; ndi chiluka ndi golide cha, pamwenga ndi ndeŵereŵi pamwenga ndi chivwaru cha mtengu ukuru cha;

1 Timote 2:9 ပူးပေါင်းရင်းမြစ်များ

Chiyambo 24:53

Ndipo muŵanda yo wangutuzga vigwenjere vya siliva ndi golide ndi vyakuvwala, ndi wanguvipaska kwaku Rebeka: wangupaska so ku mzichi wake ndi ku anyina vyakuzganga vya mitengo yikuru.

2 ŴaKaronga 9:30

Penipo Yehu wanguza ku Yezerele, Yezebelu wanguvwa ndipo wanguzganga maso ghake, ndi kujidghoŵa mutu wake ndipo walingizganga pa dangazi.

Estere 5:1

Pazuŵa la chitatu Estere wanguvwara vya ufumukazi, wanguma mu luluwa la mukati la nyumba ya karonga, kulazga ku chipinda chakuwunganamo; ndipo karonga wanguja pa chitengo chake cha ufumu mu nyumba ya ufumu, kurazga ku likomo la nyumba:

Sumu 149:4

Ambuya akondwere ndi ŵanthu ŵawo; atumbika ŵakujiyuyuwa ndi upundi.

Nthanthi 31:22

Watijichitiya vyakuvwinkha; saru zake ze ndi mtundu wamampha, ndi zakuti tuu.

Nthanthi 31:25

Nthazi ndi kuzirwa ndivyo kuvwara kwake, ndipo watiyiseka nyengo yeniyo yikazanga.

Nthanthi 7:10

Ndipo ehe, munthukazi wakumana nayo, wakuvwala uli ndi mureŵi wakuchenje mu mtima.

Yesaya 3:16

Ambuya anguti: Chifukwa ŵanthukazi ŵaZioni mbakujikuzga ŵatenda ndi makhosi ghakunyutuka, ŵavwikuwa ndi dama maso ghawo, ŵachita kuchakatuka ŵachenda, ŵaswaya ndi marundi ghawo;

Yesaya 61:4

Ŵakazenganga so mapopa gha mwaka, ŵakayuskanga so maphasulu gha kali; ŵakarongosonga misumba ya kuphwanyika, masara gha migonezi yinandi.

Yeremiya 2:32

Kumbi mwali wangaruwa vyakujizganga navyo vyake, pamwenga mwali wanthengwa vyakuvwara vyake? Kweni ŵanthu ŵangu ŵandiruwa mazuŵa ghambura maŵerengeka.

Yeremiya 4:30

Ndipo iwe, wamu mapopa, ung'anamuwanji pakuvwara vyakutije, utijinozga ndi vyakunozge vya golide, ukuzga maso ghako ndi vyakupaka? Utijitozga kwawaka. Mabwezi ghako ghatukunyoza; ŵapenja umoyo wako.

Mateyu 11:8

Kweni mungutuliya kwachiwona chine? Munthu wakuvwara minjirira yakuworofoka mbamu nyumba za mafumu.

1 Timote 2:10

kweni (chenicho chitenere ŵanthukazi wo ŵazomerezga uwopa Chiuta) ndi nchitu zamampha.