1 Timote 2:2 - Tonga Bible 1986

² pa chifukwa cha ŵakaronga ndi wose ŵaraŵara; alinga kuti tijariyenge umoyo wakuzika ndi wakudeka mu uwopa Chiuta wose ndi uziza.

1 Timote 2:2 ပူးပေါင်းရင်းမြစ်များ

2 Samuele 20:19

Ine nde yumoza waku ŵeniwo mbachimangu ndi ŵakugomekezgeka mu Yisraele; mupenja kubwanganduwa msumba wo ndi nyinawo mu Yisraele, chifukwa nchine mumezenge msumba wa Ambuya?”

Ezra 6:10

mwakuti ŵabayiyenge chiuta wa kuchanya sembe zakukondweska, ndipo ŵarombiyenge umoyo wa karonga ndi ŵana ŵake.

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Sumu 72:1

A Chiuta, sambizgani karonga kweruzga mu urunji winu, vyeruzgu vinu musangani nayo,

Nthanthi 24:21

Wa mwana wangu, opanga Ambuya ndi karonga, ndipo ungarekanga kuvwiya wose ŵaŵi;

Yeremiya 29:7

Kweni penjani chimangu cha msumba wo ndikukutumaniko, ndipo urombiyeni ku Ambuya, pakuti mu chimangu chake mukasaniyanga chimangu.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Luka 2:25

Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

ŴaRoma 12:18

Asani nkhwamachitika, ulindimo muziŵiya, muŵe mu chimangu ndi ŵanthu wose.

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

1 ŴaTesalonika 4:11

pakuphwererana mu kuja kwakuzika, ndi kutakatakiya vyaku mwaŵeni, ndi kutataliya ndi manja ghinu, uli ndimo tingumlanguliyani;

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.