1 Timote 1:3 - Tonga Bible 1986

³ Uli ndimo ndinguchichizgiya iwe kujaririya mu Efeso, po ndayanga ku Makedonia, alinga kuti ulanguliye ŵangana kureka kusambizga chamwenga,

1 Timote 1:3 ပူးပေါင်းရင်းမြစ်များ

Machitidu gha Ŵakutumika 18:19

Ndipo wangufika ku Efeso, ndi kweniko wanguŵasiya: kweni mweneko wangusere mu sinagoge, ndi wangususkana ndi ŵaYuda.

Machitidu gha Ŵakutumika 18:21

Kweni pakurayirana nawo, wanguti, “Ndamwere so kwinu, asani Chiuta wakhumba;” ndipo wangukwera mu ngaraŵa kutuwa ku Efeso.

ŴaRoma 15:26

Chifukwa Makedonia ndi Akhaia ŵakondwere kwachichitiya mpasku wamasanga ku ŵakavu ŵamu ŵakupaturika wo ŵamu Yerusalemu.

ŴaRoma 16:17

Ndipo ndikuŵeyereni, mwa ŵabali, kuŵathoŵa wo mbakuchita vigaukanu ndi viguŵisku, kwakumikirana ndi chisambizgu chenicho mungusambira: ndipo ŵapambukeni wo.

2 ŴaKorinte 11:4

Chifukwa asani mlendo ngana wamemeza Yesu munyake, mweniyo tengavi kumemeza ifwe pamwenga asani muronde mzimu wamwenga, yo mwengavi kuronde, pamwenga evangeli wamwenga, wo mwengavi kuronde, mukunthiyapo urusuvi.

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

ŴaFilipi 2:24

Kweni ndigomekezga mu Mbuya kuti nane so ndamweni nkhazanga ruŵi.

1 Timote 4:11

Languliyanga vyenivi, ndi sambizganga vyo.

1 Timote 4:6

Asani uŵakumbuska ŵabali ndi vyenivi, uŵenge mteŵeti mweneko waku Kristu Yesu, wakulereka mu mazu gha chivwanu, ndi gha chisambizgu cheneko chenicho warondo kuno ku le:

1 Timote 5:7

Ivi navyo languliyanga, alinga kuti viŵe vyambura kalema.

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

1 Timote 6:3

Asani yumoza wasambizga chinyake, ndi wareka kuzomerezga mazu ghazirima, gho gha Ambuyafwe Yesu Kristu, ndichisambizgu cha uwopa Chiuta,

2 Timote 1:18

(Mbuya wampaske kusaniya lisungu ku Mbuya mu zuŵa liya!) Ndipo vyenivyo vyose wanguteŵeta mu Efeso, iwe uziŵa umamphavi.

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.