1 Samuele 9:21 - Tonga Bible 1986

²¹ Sauli wangwamuka, “Asi ndine mu Benjamini, wakutuwa mu mtindu wa umari wa ŵaYisraele? Ndipo mbumba yangu asi ndi mbumba yakuyuyulika limu mu mbunda zose za fuku laku Benjamini? Chifukwa nchine mwarongoro nane mazu ghaviyo?”

1 Samuele 9:21 ပူးပေါင်းရင်းမြစ်များ

Sumu 68:27

Pakudanga watuza Benjamini, fuku limana ukongwa, pavuli pake ŵarongozgi ŵaku Yuda ndi mpingu wawo, ŵakuwarondo mbarongozgi ŵaku Zebuluni ndi Naftali.

Sumu 68:28

Rongoni nthazi yinu, A Chiuta, rongoni nthazi yinu, A Chiuta, yo mwatichitiya.

Hoseya 13:1

Po Efraimu wangukamba, ŵanthu ŵangutenthema; wangukuzgika mu Yisraele; kweni wangwananga chifukwa chaku Bala ndi wangufwa.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

1 Samuele 10:27

Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.

1 Samuele 14:51

Kishi wenga wiske waku Sauli, ndipo Nere wenga wiske waku Abnere mwana waku Abiele.

1 Samuele 15:17

Samuele wanguti, “Nanga wemumana mu maso ghaku wamweni asi we mutu wa mafuku ghaku Yisraele? Ambuya akupaka kukupatuwa kuŵa karonga pa ŵaYisraele.

1 Samuele 18:18

Davidi wanguti, “Ndine yani ine, ŵabali ŵangu mbayani, mbumba ya ada mu Yisraele, kuti ndiŵe mkosano wa karonga?”

1 Samuele 18:23

Viyo ŵateŵeti ŵaku Sauli ŵangukamba mazu yagha mu makutu ghaku Davidi. Ndipo Davidi wanguti, “Kumbi chitimuwonekiyani nge nkhanthu kamana kuŵa mkosano wa karonga, pakuwona kuti nde munthu mukavu ndi wakuyuyulika?”

1 Samuele 9:22

Ndipo Samuele wanguto Sauli ndi mteŵeti wake wanguŵaserezga mu nyumba yakurghiyamo wanguŵajarika pa malo gha panthazi pa ŵakudanika wo, wo ŵenga ŵanthu ankhumba machumi ghatatu (30).