1 Samuele 8:8 - Tonga Bible 1986

⁸ Kwakuyana ndi vyose vyo ŵandichitiya, kutuliya pa zuŵa lo ndinguŵatuzgiya mu Egipiti mpaka ku zuŵa lino mbakundijowo ndi kutataliya ŵachiuta ŵanyake, ndipo ivi ndivyo ŵachitiya ndi iwe.

1 Samuele 8:8 ပူးပေါင်းရင်းမြစ်များ

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Chituwa 16:3

ndipo ŵanguti kwaku wo, “Mphanyi tingufwa ku janja la Ambuya mu charu cha Egipiti penipo tawonanga mimphika ya nyama ndi tingurgha chiŵande kwakuguta, pakuti imwe mwatitore mu bozwa ili kuzachibaya wumba wose uwu ndi nja.”

Chituwa 17:2

Chifukwa cho ŵanthu ŵangusaniya kafukwa ndi Mosese ndi ŵanguti, “Utipaske maji timwenge.” Ndipo Mosese wanguti kwaku wo, “Chifukwa nchine pakulimbana ndi ine? Chifukwa nchine mutuŵesa Ambuya?”

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Yeremiya 34:14

‘Pa umari wa virimika vinkhonde ndi chimoza we yose waku imwe wafwatuwe muHebere munyake, mweniyo wakuguliskika kwaku iwe ndipo watataliya iwe virimika vinkhonde ndi chimoza, utenere kumufwatuwako ku nchitu yako.’ Kweni auskemwe kuti ŵangunditegherezga cha chingana nkhundivwa cha.

Ezekiele 2:3

Wanguti, “Mwana wa munthu, nditikutuma ku ŵaYisraele, ku mtundu wa ŵachigaruka, wo ŵandigarukiya ine; iwo ndi auskeu ŵandinangiya ine mpaka zuŵa lino.

Maŵerengedu 16:41

Kweni ndi mlenji mpingu wose wa ŵaYisraele ungumikana ndi Mosese ndi Aroni, kuti, “Mwabaya ŵanthu ŵa Ambuya.”

Marangu 9:24

Mwenga ŵa chigaruka kumikana ndi Ambuya Chiuta winu kutuwa zuŵa liyandingumuziŵiyani.

Ŵeruzgi 13:1

ŴaYisraele ŵanguwerezgapo kuchita uheni mu maso gha Ambuya; ndipo Ambuya anguŵapereka mu janja la ŵaFilisti kwa virimika machumi ghanayi (40).

Ŵeruzgi 2:20

Viyo ukari wa Ambuya ungukole paku Yisraele; ndipo anguti, “Chifukwa chakuti ŵanthu yaŵa ŵaswa phanganu langu lo ndingulanguliya auskeu, ndipo ŵalivi kuvwiya mazu ghangu.

Ŵeruzgi 4:1

Wati wafwa Ehudi ŵaYisraele ŵanguwerezgapo kuchita cho chenga chiheni mu maso gha Ambuya.

Ŵeruzgi 6:1

ŴaYisraele ŵanguchita cho nchiheni mu maso gha Ambuya; ndipo Ambuya anguŵapereka mu janja laku Midiyani virimika vinkhonde ndi viŵi.

1 Samuele 8:7

Pakwamuka Ambuya anguti, “Vwiya mazu gha ŵanthu mwaku vyose vyo ŵakambenge nawe chifukwa kuti ŵapata iwe cha, kweni ŵapata ine kuti ndiŵe karonga wawo.

1 Samuele 8:9

Sono vwiya mazu ghawo; chimoza pe, utenere kuŵaziŵiska, ndi kuŵarongo nthowa za karonga yo waŵausenge.”