1 Samuele 8:5 - Tonga Bible 1986

⁵ Ŵangunena nayo, “Awonani, imwe mwakota ndipo ŵana ŵinu kuti ŵatenda munthowa zinu cha; sono tisankhiyeni karonga yo watiusenge, nge ndi mitundu yinyake.”

1 Samuele 8:5 ပူးပေါင်းရင်းမြစ်များ

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

Machitidu gha Ŵakutumika 13:21

Kwanda po ŵangujipemphe karonga: Chiuta wanguŵapaska Sauli, mwana waku Kishi, munthu wa fuku laku Benjamini, kwa nyengo ya virimika machumi ghanayi,

Ŵeruzgi 8:22

Pavuli ŵaYisraele ŵangunena ndi Gideoni, “Utiwuse, iwe, ndi mwana wako pamoza ndi mzuku wako; pakuti watipozomoska ku janja laku Midiyani.”

1 Samuele 10:19

Kweni pa nyengo yino imwe mwakana Chiuta winu, yo watimupozomoskani mu masoka ndi masuzgu ghinu; ndipo mwakamba kuti, ‘Awa! Timikiyeni karonga pachanya pidu.’ Viyo sono jiwoneskeni mwaŵeni panthazi pa Ambuya mu mafuku ghinu ndi mu unandi winu.”

1 Samuele 12:13

Sono awonani karonga yo mwasankha ndi mweniyo mungufumba; ehe, Ambuya amupaskani.

1 Samuele 12:17

Asi nchivuna cha trigu msana wale? Ndidanenge ku Ambuya, mwakuti atumi chidiririzi ndi vuwa; ivi viziŵiskenge imwe kuti uheni winu ngukuru ukongwa, wo mwachita mu maso gha Ambuya, pakujipemphe imwe mwija karonga.”

1 Samuele 12:2

Sono, ehe, karonga watenda paurongo pinu, Ine ndakota ndendi nyivu, awonani, ŵana ŵangu ŵe pamoza namwe; ndipo ndenda paurongo pinu kutuwa pa unyamata wangu mpaka zuŵa linu.

1 Samuele 9:20

Kweni nge ndi mbunda zinu zo zinguwara mazuŵa ghatatu gho ghajumpha mungafipanga mtima cha chifukwa zasanirika. Ndipo le paku yani khumbo lose la ŵaYisraele? Kumbi kuti le paku iwe cha ndi nyumba yose ya ausu?”