1 Samuele 7:9 - Tonga Bible 1986

⁹ Viyo Samuele wanguto kamberere kakonkha kukapereka nge ndi mpasku wose wakocha ku Ambuya, ndipo Samuele wanguliliya ku Ambuya pa ŵaYisraele, ndipo Ambuya angumwamuka.

1 Samuele 7:9 ပူးပေါင်းရင်းမြစ်များ

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 99:6

Mosese ndi Aroni ŵenga ŵazukuru ŵake, Samuele wenga yumoza wa ŵakumusopa; wangudana ku Ambuya ndipo iwo anguŵamuka:

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

ŴaLevi 22:27

“Asani nkhuzi pamwenga mberere, pamwenga mbuzi yapapika, yikajanga mazuŵa ghankhonde ndi ghaŵi pamoza ndi nyina; ndipo kwamba pa zuŵa lachinkhonde ndi chitatu yikalonderekanga kuŵa sembe yakocha ku Ambuya.

Marangu 9:26

Ndinguromba ku Ambuya, ndinguti, ‘Ambuya Chiuta, rekani kupasuwa ŵanthu ŵinu, wo mukuŵasankha, ŵeniwo mwaŵawombo mu ukuru winu mwaŵatuzga mu Egipiti ndi janja la nthazi.

Yakobe 5:16

Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.

Ŵeruzgi 6:26

ndipo uzenge jochero Ambuya Chiuta wako pano pachanya pa linga, ndi mya mu mluliku wake; ndipo uto nkhuzi ya chiŵi, uyipereke mpasku wakocha pamoza ndi nkhuni zaku Ashera mweniyo ukadumuliyanga pasi.”

Ŵeruzgi 6:28

Po ŵanthu ŵamu msumba ŵanguyuka ndi mlenjulenji, ehe, jochero laku Bala lingubwangandulikiya pasi, Ashera wapafupi nalo wangudumulikiya pasi, ndipo nkhuzi ya chiŵi yingupaskika mpasku pa jochero lo linguzengeka.

1 Samuele 10:8

Ndipo ukandidanjiriyanga ku Gilgala; ayivwa, ndizenge kwaku iwe kwazipereka visopo vyakocha ndi kubaya visopo vya chimangu. Undirindizge mazuŵa ghankhonde ndi ghaŵi, mpaka po ine ndafika ndazakukurongo cho utenere kuchita.”

1 Samuele 12:17

Asi nchivuna cha trigu msana wale? Ndidanenge ku Ambuya, mwakuti atumi chidiririzi ndi vuwa; ivi viziŵiskenge imwe kuti uheni winu ngukuru ukongwa, wo mwachita mu maso gha Ambuya, pakujipemphe imwe mwija karonga.”

1 Samuele 16:2

Samuele wangwamuka, “Ndirutenge uli? Asani Sauli wavwa ichi, wandibayenge.” Ambuya anguti, “Uto thole la ng'ombe, ndipo wamukuti, ‘Ndaziya kwazipereka sembe ku Ambuya.’

1 Samuele 2:35

Ndipo nkhajiyuskiyanga mzukuru wa chivwanu, mweniyo wakachitanga kwakuyana ndi mtima wangu ndi zeru zangu; ndikamuzenganga kuŵa nyumba yakukho, wakaserenga ndipo wakatuwanga paurongo pa ŵakupakika ŵangu kwamuyaya.

1 Samuele 7:17

Pavuli wanguwere ku Rama, pakuti nyumba yake yenga kweniko, ndipo ndikwenikuwa so ko waperekiyanga cheruzgu ku ŵaYisraele. Ndipo wanguzengako jochero la sembe la Ambuya.

1 Samuele 9:12

Ŵangwamuka, “Walipo, we pafupi panthazi pinu. Yendeskani; wazanga sono mu msumba, chifukwa ŵanthu ŵe ndi sembe msana wale pa malo gha pachanya.