1 Samuele 7:10 - Tonga Bible 1986

¹⁰ Sono Samuele wachipereka mpasku wakocha, ŵaFilisti ŵangundere kufupi kurwana ndi ŵaYisraele; kweni Ambuya angudiririska ndi mazu gha nthazi pa ŵaFilisti zuŵa liya ndipo anguŵapong'a ku chimtimbaheka, ndipo ŵangupasuka paurongo pa ŵaYisraele.

1 Samuele 7:10 ပူးပေါင်းရင်းမြစ်များ

Sumu 18:15

Sono misisi ya nyanja yinguwoneka, viŵanja vya charu vinguŵa pakwero, pa kuchenya kwinu, Ambuya mwe, pakututa kwa mvuchi wa mphunu zinu.

Sumu 29:3

Mazu gha Ambuya ghe pa maji, Chiuta wa unkhankhu wadiririska, Ambuya, pa maji ghanandi.

Sumu 29:4

Mazu gha Ambuya nganthazi ukongwa, mazu gha Ambuya ghendi kuziza kukuru.

Sumu 78:66

Angudikiskiya ŵarwani ŵawo kuvuli, kuŵathereska kwa soni ndi kuŵamariya limu.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Marangu 28:7

“Ambuya akachitanga kuti ŵamawongo ŵinu ŵapundike paurongo pinu; ŵakazanga kumikana namwe nthowa yimoza, ndipo ŵazamuthaŵa paurongo pinu nthowa zinkhonde ndi ziŵi.

Yoswa 10:10

Ndipo Ambuya anguŵayungwiska paurongo paku Yisraele yo wanguŵabaya kuŵamara kukuru pa Gibeoni ndi kuŵadikiskiya ku nthowa ya sendemu yaku Bete-horoni, wanguŵakoso mpaka ku Azeka ndi Makeda.

Ŵeruzgi 4:15

Ndipo Ambuya angumbininiska Sisera ndi magareta ghake ndi liŵanja lose la nkhondo paurongo paku Baraki ndi lipanga; Sisera wangusika mu gareta ndipo wanguthaŵa cha kwenda pasi.

Ŵeruzgi 5:20

Kutuwa kuchanya nyenyezi zingurwa, kutuwa mu nthowa zawo zingurwa ndi Sisera.

Ŵeruzgi 5:8

Penipo ŵachiuta ŵafya ŵangusankhika, nkhondo yenga mu malikomo. Kumbi nguru pamwenga mkondo vyaonekanga mukati mu vikwi machumi ghanayi mu Yisraele?

1 Samuele 12:17

Asi nchivuna cha trigu msana wale? Ndidanenge ku Ambuya, mwakuti atumi chidiririzi ndi vuwa; ivi viziŵiskenge imwe kuti uheni winu ngukuru ukongwa, wo mwachita mu maso gha Ambuya, pakujipemphe imwe mwija karonga.”

1 Samuele 14:15

Ndipo ŵangukoreka ndi mantha ghakuru, ŵamu ugoŵi, ŵamu dondo, ndipo ndi ŵanthu wose ŵamu linga, ndipo chingana mbakupopeska ŵangutenthema, charu chinguyaghayika; chitenthe chinguŵa chikuru ukongwa.

1 Samuele 2:10

Wakupindikana ndi Ambuya ŵakadumukanga tumana-tumana; ndipo akadiririskanga kuchanya pa kumikana nawo. Ambuya ŵeruzgenge vigoti vya charu chapasi; apaskenge nthazi ku karonga wawo, ndipo ŵasoskenge nthazi za wakupakika wawo.”

1 Samuele 7:11

Ndipo ŵaYisraele ŵangutuwa pa Mizpa kurondo ŵaFilisti, ŵanguŵakoso, mpaka kusika kwa Betekara.