1 Samuele 6:6 - Tonga Bible 1986

⁶ Munonopeskiyengenji mitima yinu nge ndimo ŵaEgipiti ndi Farao ŵangunonopeske mitima yawo? Wanguti ŵachita vyakuziziswa mukati mwawo, asi ŵanguzomerezga ŵanthu kuruta, ndipo ŵanguruta.

1 Samuele 6:6 ပူးပေါင်းရင်းမြစ်များ

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?

Sumu 95:8

“Rekani kunonopeska mitima yinu nge mpha Meriba, nge ndimo ŵanguŵiya zuŵa liya mu bozwa pa masa.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Chituwa 14:17

Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.

Chituwa 14:23

ŴaEgipiti ŵangundondoloska ndi ŵanguweremo pavuli pawo mukati mu nyanja, ŵakavalo wose ŵaku Farao magareta ghake, ndi ŵankhondo ŵapa ŵakavalo ŵake.

Chituwa 4:21

Ndipo Ambuya anguti kwaku Mosese, “Utakuti wawere ku Egipiti ukawone kuti wachita vya minthondwi vyose paurongo paku Farao vyenivyo ndaŵeka mu nthazi yako; kweni ndamunonopeska mtima wake, viyo wamuzomerezga cha kuti ŵaYisraele ŵakarutenge.

Chituwa 7:13

Ungunonopa mbwenu mtima waku Farao; ndipo kuti wangukhumba kuvwiya cha, uli ndimo Ambuya angukambiya.

Chituwa 7:14

Sono Ambuya anguti kwaku Mosese, “Mtima waku Farao wanonopeskeka, wakana kuŵazomerezga ŵanthu kuruta.

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.

Chituwa 8:32

Kweni Farao wangunonopeska mtima wake nyengo iyi nayo so, ndipo kuti wanguŵazomerezga cha ŵanthu kuruta.

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

Chituwa 9:34

Kweni penipo Farao wanguwona kuti vuwa, matalala, ndi kudiririska vingumara, wanguwerezgapo kulakwa ndi wangunonopeska mtima wake iyo pamoza ndi ŵateŵeti ŵake.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi: