1 Samuele 6:3 - Tonga Bible 1986

³ Iwo ŵanguti, “Asani mutuma bokosi laku Chiuta wa ŵaYisraele, mungalituma ŵaka kwambura kanthu cha, kweni muliwezge ndi mpasku wapa ulakwi. Sono ndipo mukachizgikanga, ndipo kukaziŵikwanga kwaku imwe chifukwa cho janja lake lirivi kutuzgikako kwinu.”

1 Samuele 6:3 ပူးပေါင်းရင်းမြစ်များ

Jobu 10:2

Nkhatinge kwaku Chiuta, Rekani kundisuska; ndiziŵiskeni chifukwa cho murimbirana nane,

Chituwa 23:15

Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Chituwa 34:20

Chakudanga cha mbunda mukawombonga ndi mwana mberere, asani mukawombouga cha mukafyonga khosi lake. Waumwali wose ŵa ŵana ŵinu ŵanthurumi mukawombonga. Palivi yumoza waku wo wakazanga paurongo pangu manja ghaŵaka.

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.

ŴaLevi 5:6

ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

ŴaLevi 6:6

Ndipo wakatolenga ku mzukuru mpasku wapa ulakwi wake ku Ambuya, bira wambura kalema kutuwa ku msambu wa mtengo wo iwe wapima kuyana ndi mtengo wa mpasku wapa ulakwi.

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

1 Samuele 5:11

Pa chifukwa ichi ŵangutuma ndipo ŵanguwungana pamoza mafumu ghose gha ŵaFilisti, ŵanguti, “Tuzganipo bokosi laku Chiuta waku Yisraele, liwezgeke ku malo ghake, mwakuti lireke kutibaya ifwe ndi ŵanthu ŵidu.” Pakuti kunguŵa suzgu yikuru ya nyifwa mu msumba wose. Janja laku Chiuta lingumikana nawo ukongwa;

1 Samuele 5:7

Po ŵina Ashidodi ŵanguti ŵawona mo vinthu vinguŵiya, ŵanguti, “Bokosi laku Chiuta waku Yisraele kuti litenere kuja ndi ifwe cha; chifukwa janja lake laŵa lakumikana ndi ifwe ndi Dagoni chiuta widu.”

1 Samuele 5:9

Kweni wanguti ŵalitore kuwa, janja la Ambuya lingumikana ndi msumba uwa, kuŵapaska suzgu yikuru ukongwa anguŵasuzga ŵanthu ŵamu msumba, wose ŵamana ndi ŵara, ndi nthenda ya vitupatupa.

1 Samuele 6:8

Ndipo toni bokosi la Ambuya muliŵike pa gareta, ndipo vikozgo vya golide vyo muwezge kwaku iyo nge ndi mpasku wapa ulakwi muŵike mu kabokosi kurwandi kwake. Sono mulitumizge, lirutenge.

1 Samuele 6:9

Ndipo wonani; asani likwera mu nthowa yakuya ku charu chake ku Beteshemeshe, iku ndiyo yo watichitiya uheni ukuru uwu, asani kuti liyengeko cha, mbwenu tikaziŵanga kuti, kuti ndi janja lake cha lo latipweteka, chatiŵiya waka mwasoka.”