1 Samuele 6:19 - Tonga Bible 1986

¹⁹ Kweni ŵana ŵaku Yekoniya kuti ŵangukondwere pamoza ndi ŵanyawo ŵamu Beteshemeshe cha pakuza kwa bokosi la Ambuya, ndipo angukoso ŵanthu machumi ghankhonde ndi ghaŵi (70). Ŵanthu ŵangutenje chifukwa Ambuya angukoso ŵanthu ŵanandi mukati mwawo,

1 Samuele 6:19 ပူးပေါင်းရင်းမြစ်များ

2 Samuele 6:7

Ndipo Ambuya angukalipa ndi Uza; Chiuta wangumukoso penipa chifukwa wangusoske janja lake pa Bokosi la Ambuya; ndipo wangufwiya musina mu Bokosi laku Chiuta.

2 Mikoka 25:21

Viyo Yoashi karonga waku Yisraele wanguruta ndipo iyo ndi Amaziya karonga waku Yuda ŵangukumana ndi ŵangurwana nkhondo pa Beteshemeshi waku Yuda.

Chituwa 19:21

Ndipo Ambuya anguti kwaku mosese, “Sika, ukaŵachenjezge ŵanthu, vinu ŵangaporote ku Ambuya kwachilingizga, ndipo ŵanandi ŵaku wo ŵangafwa.

Chituwa 33:4

Penipo ŵanthu ŵanguvwa uthenga uwu uheni, ŵangutenje; ndipo pengavi munthu wanguvwara vyakujinozeska navyo.

Maŵerengedu 1:51

Asani ŵarutenge nacho chihema, wo ŵakachijinthuwanga mbaLevi; ndipo asani chikamikikanga chihema cho, wo ŵakachimikanga mbaLevi. Ndipo asani waŵengepo munyake wakundere kufupi, wakabayikanga.

Maŵerengedu 4:15

Ndipo asani Aroni ndi ŵana ŵake ŵamara kuvunikiriya chihema chakupaturika, ndi vyakuteŵete vyose vyamu malo ghakupaturika, pa kusoka ugoŵi; pavuli pake, ŵana ŵaku Kohati ŵazenge kuzachinyamuwa ivi; kweni ŵareke kukwaska vinthu vyakupaturika, vinu ŵangafwa. Vinthu ivi ndivyo mphingu za ŵana ŵaku Kohati vyamu hema lakuwunganamo.

Maŵerengedu 4:18

“Fuko la mbumba za ŵina Kohati lireke kudumulika ku ŵina Levi;

Maŵerengedu 4:20

kweni iwo kuti ŵakaserenga mukati kwachiwona vinthu vyakupaturika cha, vinu ŵangafwa.”

Marangu 29:29

“Vinthu vyaku ubende vya Ambuya Chiuta widu; kweni vinthu vyo vyavumbulika vidu ndi vya ŵana ŵidu muyaya, aling kuti tichitenge mazu ghose gha dangu ili.

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

1 Petro 4:17

Pakuti ndi nyengo yakuti cheruzgu chiyambenge pa nyumba yaku Chiuta: kweni asani chidanga paku ifwe; chiŵenge chine chigoti cha ŵakutafuliya evangeli waku chiuta?