1 Samuele 5:4 - Tonga Bible 1986

⁴ Kweni ŵanguti ŵaza so ku mlenji unyake, awonani, Dagoni wawa kavunama pasi paurongo pa bokosi la Ambuya, mutu waku Dagoni ndi manja ghake ghose ghaŵi vingudumuka ndi kugona mukhomo: Dagoni wanguja chipiriŵiri pe.

1 Samuele 5:4 ပူးပေါင်းရင်းမြစ်များ

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

Yesaya 40:20

Yo ngwakusauka wasankha muti wo kuti ungayenda cha kwachichita mpasku; wapenja msuzi wakuziŵa kumika cha ngoza cho kuti chisukunika cha.

Yeremiya 10:11

Viyo ndimu ukambiye kwaku wo: “Ŵachiuta ŵeniwo ŵengavi kulenga machanya ndi charu chapasi ŵakamaranga mu charu chapasi ndi kusi ku mitambo.”

Yeremiya 10:14

Munthu yose ngwakupusa ndi wambura chinjeru; ŵangoza ŵalengeska misiri wakuŵapanga, pakuti vikozgu vyake vya utesi, mulivi mvuchi mwaku wo.

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Danyele 11:8

Ŵarutenge so ndi ŵachiuta ŵawo ku Egipiti nge mbamikoli, ndi ŵangoza ŵawo ŵakusongono, ndi viyaŵi vyawo vyakuzirwa vya siliva ndi vya golide. Ndipo mu virimika vinyake ŵarwenge nkhondo cha ndi karonga waku nkhonde.

Mika 1:7

Vikozgo vyake vyose vikatekenyekanga, mphoto zake zose zochekenge ndi moto, ndi ndipasuwenge ŵangoza ŵake wose. Chifukwa wanguwunjika kutuliya mu mphoto ya munthukazi mureŵi, ndi ku munthukazi mureŵi vikawerenga.

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.