1 Samuele 5:10 - Tonga Bible 1986

¹⁰ Viyo ŵangutuma bokosi la phanganu laku Chiuta ku Ekroni. Linguti lafika bokosi laku Chiuta ku Ekroni, ŵanthu ŵaku Ekroni ŵangubongo ŵakuti, “Watiziya ifwe ndi bokosi laku Chiuta waku Yisraele kwazitibaya ifwe ndi ŵanthu ŵidu.”

1 Samuele 5:10 ပူးပေါင်းရင်းမြစ်များ

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

2 ŴaKaronga 1:2

Sono Ahaziya wanguwa kuporota pa dangazi mu chipinda chake cha pachanya mu Samaria, ndipo wangutama, viyo wangutuma mathenga wakuti, “Rutani, kafumbeni kwaku Bala-zebubi, chiuta waku Ekroni, vinu ndikachilanga ku utenda uwu.”

1 Mikoka 7:21

Zabadi mwana wake, Shitela mwana wake, ndi Ezeri ndi Eleada, mbeniwo ŵanthu ŵaku Gata wo ŵangupapikiya mu charu chiya ŵanguŵabaya, chifukwa ŵanguza kwaziphanga ng'ombe zawo.

Amosi 1:8

Ndiwiskenge ŵakuja mu Ashidodi, ndi yo wakoreze ndodo ya ufumu mu Ashikeloni; ndi ng'anamuwenge janjalangu kumikana ndi Ekroni; ndi ŵakujako ŵa ŵaFilisti ŵakamaranga,” atiti Ambuya Chiuta.

Amosi 6:2

Rutani ku Kalne, mukawone; ndipo kutuwa kuwa murute ku Hamati mukuru; viyo musikiyi ku Gata wa ŵaFilisti. Kumbi mbamampha kuruska maufumu yagha? Pamwenga, charu chawo nchikuru kuruska charu chinu,

Yoswa 13:3

(kutuwa ku Shihono, ko nkhuvuma kwa Egipiti kurata ku nkhonde ku mphaka ya Ekroni wo uziŵikwa nge ndi Kanani; kwe ŵeruzgi ŵankhonde ŵa ŵaFilisti, wo ŵaku Gaza, Ashidodi, Ashikeloni, Gata, ndi Ekroni), ndi wo ŵaku Avimu,

Yoswa 15:11

yituwa ndi kufika ku mtunthu waku nkhonde ku Ekroni, po mphaka yizunguliya ku Shikeroni, ndi kurutiliya ku phiri Bala, yituwa kurazga ku Yabanele, sono yituza ku chigoti ku nyanja.

Yoswa 15:45

Ekroni Misumba yake ndi mizi yake;

Ŵeruzgi 1:18

Yuda wangupoka so Gaza ndi charu chake, Ashikeloni ndi charu chake, ndi Ekroni ndi charu chake.

1 Samuele 17:52

Ndipo ŵaYisraele ndi ŵaYuda wangusoka ndi kukambura ŵangurondo ŵaFilisti mpaka ku Gata ndi ku vipata vya Ekroni mwakuti ŵakupwetekeka ŵa ŵaFilisti ŵanguwa mu nthowa kutuwa pa Sharaimi mpaka ku Gata ndi Ekroni.

1 Samuele 5:11

Pa chifukwa ichi ŵangutuma ndipo ŵanguwungana pamoza mafumu ghose gha ŵaFilisti, ŵanguti, “Tuzganipo bokosi laku Chiuta waku Yisraele, liwezgeke ku malo ghake, mwakuti lireke kutibaya ifwe ndi ŵanthu ŵidu.” Pakuti kunguŵa suzgu yikuru ya nyifwa mu msumba wose. Janja laku Chiuta lingumikana nawo ukongwa;

1 Samuele 5:9

Kweni wanguti ŵalitore kuwa, janja la Ambuya lingumikana ndi msumba uwa, kuŵapaska suzgu yikuru ukongwa anguŵasuzga ŵanthu ŵamu msumba, wose ŵamana ndi ŵara, ndi nthenda ya vitupatupa.

1 Samuele 6:1

Bokosi la phanganu la Ambuya lenga mu charu cha ŵaFilisti myezi yinkhonde ndi yiŵi.