1 Samuele 4:4 - Tonga Bible 1986

⁴ Viyo ŵanthu ŵangutumike ku Shilo, ndipo ŵanguza nalo bokosi la phanganu la Ambuya ŵa maŵanja, ŵeniwo akujarikika pa makerubi; ŵana ŵaŵi ŵaku Eli, Hofini ndi Finehasi, ŵenga kwenikuwa ndi bokosi la phanganu laku Chiuta.

1 Samuele 4:4 ပူးပေါင်းရင်းမြစ်များ

2 Samuele 15:24

Ndipo Abiatara wengapo, ehe, Zadoki nayo so wengapo, pamoza ndi ŵaLevi ŵakupinga Bokosi la phanganu laku Chiuta; ndipo ŵangujarika pasi Bokosi laku Chiuta, mpaka po khamu lose lingujumphapo kutuwa mu muzi.

2 Samuele 6:2

Wangusoka ndi wose ŵakuŵa pamoza nayo kutuwa ku Bale-yuda, kwachito kuwa Bokosi la Ambuya lo lidanika zina la Ambuya ŵa maŵanja ŵakuja pa maKerubi.

2 ŴaKaronga 19:15

Ndipo Hezekiya wanguromba paurongo pa Ambuya, wanguti, “Ambuya mwe Chiuta waku Yisraele imwe mukujarikika pachanya pa maKerubi, imwe ndimwe Chiuta, ndimwe pe mwija, pa maufumu ghose gha charu chapasi; imwe mukulenga kuchanya ndi pasi.

Sumu 80:1

Mwa mliska waku Yisraele, tegherezgani. Tivweni, murongozgi mu mskambu winu. Mwa ŵakuja pa chitengo chinu pa ŵaKerubi,

Sumu 80:2

vumbuwani chanju chinu ku mafuku ghaku Efraimu, Benjamini, ndi Manase! Tirongoni nthazi zinu; zaninga mutitaske!

Sumu 99:1

Ambuya ausa, ghatentheme makhamu! Aja ndeku pa maKerubi; charu chapasi chisukunike!

Yesaya 37:16

“Ambuya mwe, ŵa maŵanja, Chiuta waku Yisraele; imwe mwakuja pa chitengo cha ukaronga pa chanya pa ŵaKerubi, ndimwe Chiuta, imwe pe mwija, ŵa maufumu ghose gha charu chapasi.

Malaki 1:9

“Ndipo sono ŵeyeriyani ulemu waku Chiuta mwakuti waŵe nafwe ndi lisungu. Kumbi walongonge lisungu kwaku we yose waku imwe yo wapereka cha wanangwa chaviyo? Atiti Ambuya ŵa maŵanja.

Maŵerengedu 4:15

Ndipo asani Aroni ndi ŵana ŵake ŵamara kuvunikiriya chihema chakupaturika, ndi vyakuteŵete vyose vyamu malo ghakupaturika, pa kusoka ugoŵi; pavuli pake, ŵana ŵaku Kohati ŵazenge kuzachinyamuwa ivi; kweni ŵareke kukwaska vinthu vyakupaturika, vinu ŵangafwa. Vinthu ivi ndivyo mphingu za ŵana ŵaku Kohati vyamu hema lakuwunganamo.

Maŵerengedu 4:5

Pakusoka ugoŵi, Aroni ndi ŵana ŵake ŵaserenge mukati kusiskiya pasi saru ya chivwinkhu, ndi kuvunikiriya nayo Bokosi la phanganu.

Maŵerengedu 7:89

Ndipo penipo Mosese wangusere mu hema lakuwunganamo kwachirongoro ndi Ambuya wanguvwa mazu gha yumoza kurongoro ndi iyo, kutuliya pachanya pa chitengo cha lisungu cho chenga pa bokosi la chisimikizgu, kutuliya pakati pa Makerubi ghaŵi; ndipo wangurongoro nayo.

1 Samuele 1:24

Wanguti wamara kumonkheska, wangukwera nayo, ndi pamoza ndi iyo thole la virimika vitatu, sokora ya ufwa, ndi thumba la vinyo; wanguza nayo ku nyumba ya Ambuya pa Shilo ndipo mwana wenga litema.

1 Samuele 14:3

ndi Ahija mwana waku Ahitubu, mubali waku Ikabodi, mwana waku Finehasi, mwana waku Eli, mzukuru wa Ambuya pa Shilo, wakuvwara efodo. Ŵanthu kuti ŵanguziŵa cha kuti Jonafani waruta.

1 Samuele 2:22

Kweni Eli wenga mura ukongwa, ndipo wanguwona vyose vyo ŵana ŵake ŵachitiyanga ŵaYisraele ndi mwenimo ŵachitiyanga maureŵi ndi ŵanthukazi wo ŵatakatakanga pa chipata cha hema lakuwunganamo.