1 Samuele 4:2 - Tonga Bible 1986

² ŴaFilisti ŵangundanda mu mzere kumikana ndi ŵaYisraele, ndipo nkhondo yinguti yatandazgika ŵaFilisti ŵangupunda ŵaYisraele, ŵangubaya ŵanthu akhumba vikwi vinayi (4,000) pa malo gha nkhondo.

1 Samuele 4:2 ပူးပေါင်းရင်းမြစ်များ

Chitenje 3:40

Tiyeni tese ndi tiziwone nthowa zidu, ndipo tiwere ku Ambuya!

ŴaLevi 26:37

Ŵakaguŵanga uyu mu munyake, nge mbakuthaŵa lipanga, chingana palivi wakuŵandondoloska; ndipo mukawulangavi nthazi zakumiya paurongo pa ŵamawongo ŵinu.

Maŵerengedu 14:45

Ndipo Amaleke ndi ŵaKanani ŵajanga mu phiri leniliya ŵangusika, ŵanguŵapuma ndi kuŵadikiska mpaka ku Horoma.

Yoswa 7:12

Chifukwa ichi Yisraele kuti wangama cha paurongo pa ŵarwani ŵake; ŵarazga misana yawo paurongo pa ŵakupindikana ŵawo, chifukwa ŵasanduka chinthu chakubayika. Kuti nkhaŵanga namwe so cha, kwambura kuti mutuzgemo vyakukanizgika vyo mukati mwinu.

1 Samuele 17:21

Ndipo ŵaYisraele ndi ŵaFilisti ŵangumika maŵanja ghawo, liŵanja kulereskana ndi liŵanja.

1 Samuele 17:8

Wanguma ndi kudanirizga ku ŵamazaza ŵaku Yisraele, “Chifukwa nchine mwaza ndi kunozge nkhondo? Asi ndine mu Filisti ine, ndipo imwe asi mwe ŵateŵeti ŵaku Sauli? Tondoni munthu mukati mwinu wasikiye kunu kwangu.

1 Samuele 4:1

Ndipo mazu ghaku Samuele ghanguvwika ku ŵaYisraele wose. Sono ŵaYisraele wanguruta ku nkhondo kurwana ndi ŵaFilisti ŵangugoŵa pa Ebenezere, ŵaFilisti ŵangugoŵa pa Afeke.

1 Samuele 4:10

Viyo ŵaFilisti ŵangurwa, ndipo ŵaYisraele ŵanguthera, ndi ŵanguthaŵa, munthu yose ku nyumba yake; ndipo kwenga kubayika kukuru, pakuti ŵakubayika mu Yisraele, ŵankhondo ŵake ŵakwenda pasi ŵenga vikwi machumi ghatatu (30,000).

1 Samuele 4:3

Ndipo maŵanja ghanguti ghafika mu ugoŵi, ŵaraŵara ŵa ŵaYisraele ŵafumbananga, “Chifukwa chine Ambuya atikoso ifwe paurongo pa ŵaFilisti msana wale? Tiyeni takato bokosi la phanganu la Ambuya ŵa maŵanja ku Shilo, alinga kuti ŵaze mukati mwidu atitaske ku nthazi ya ŵarwani ŵidu.”