1 Samuele 4:19 - Tonga Bible 1986

¹⁹ Sono mukumwana wake, muwoli waku Finehasi, wenga ndi nthumbo yo pafupi kupapa. Ndipo wanguti wavwa makani ghakuti bokosi la phanganu laku Chiuta lakwamphulika, ndikuti asibweni ŵake ndi murumi wake ŵafwa, kuŵaŵa kwa nthumbo kungumuŵiya; wangukotama ndipo wangupapa,

1 Samuele 4:19 ပူးပေါင်းရင်းမြစ်များ

Chiyambo 3:16

Ku Munthukazi wanguti: “Ndikandaniskanga ukongwa urwirwi wako pakuzuwuka, ukapapanga ŵana mu urwirwi; kweni utunthwiyenge murumi wako, ndipo iyo watufuliyenge iwe.”

Chiyambo 35:17

Ndipo penipo wenga mu unonono wake, muzamba wanguti kwaku iyo, “Ungopanga cha, pakuti ukaŵanga ndi mwana munthurumi munyake.”

1 ŴaKaronga 14:1

Pa nyengo yiya Abija mwana waku Yeroboamu wangutama.

Sumu 78:64

Ŵazukuru ŵangubayika ndi malipanga, ndipo vyoko vyawo kuti vinguŵatenje cha.

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

1 Samuele 4:18

Penipo wanguzumbuwa bokosi la phanganu laku Chiuta, Eli wanguwa kagadama kutuwa pa mpando wake mu mphepete mwa likomo; khosi lake lingufyoka ndipo wangufwa, pakuti wenga munthu mura, ndi wambura nthazi. Wangweruzga ŵaYisraele virimika machumi ghanayi (40).

1 Samuele 4:20

po waratanga ku nyifwa ŵanthukazi ŵakumovya ŵangunena nayo, “Ungopanga cha, pakuti wapapa mwana munthurumi.” Kweni kuti wangwamuka pamwenga kuphwereko kanthu cha.