1 Samuele 4:18 - Tonga Bible 1986

¹⁸ Penipo wanguzumbuwa bokosi la phanganu laku Chiuta, Eli wanguwa kagadama kutuwa pa mpando wake mu mphepete mwa likomo; khosi lake lingufyoka ndipo wangufwa, pakuti wenga munthu mura, ndi wambura nthazi. Wangweruzga ŵaYisraele virimika machumi ghanayi (40).

1 Samuele 4:18 ပူးပေါင်းရင်းမြစ်များ

Sumu 26:8

A Chiuta, nditanja kajariro ka nyumba yinu, ndi malo gho unkhankhu winu ujamo.

Sumu 42:10

Kutombozga kwa ŵakupindikana nane; kwenge ndi bala la nyifwa mu liŵavu langu, po ŵakamba nane kwambura kurekezga, wepani, “Chiuta wako?”

Sumu 42:3

Masozi ghangu ghandiŵiya kurgha msana ndi usiku, penipo ŵanthu ŵakamba nane kwambura kurekezga, “Wepani Chiuta wako?”

Sumu 69:9

Kujipereka kwangu ku nyumba yinu kukole nge ndi moto mukati mwangu, ndipo matozu gha ŵakutoza imwe ghawa paku ine.

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Ŵeruzgi 15:20

Ndipo wangweruzga Yisraele mu mazuŵa gha ŵaFilisti virimika machumi ghaŵi (20).

1 Samuele 4:13

Wanguti wafika, Eli wajanga pa mpando wake mu mphepete mu nthowa kulereze, pakuti mtima wake wambwambwanthiyanga chifukwa cha bokosi la phanganu la Ambuya, ndipo munthu uyu wanguti wasere mu msumba kutaula makani, ŵanthu wose ŵanguliya.

1 Samuele 4:17

Wakupinga makani wanguti, “Yisraele wathaŵa paurongo pa ŵaFilisti, ndipo so kwaŵa kubayika kukuru mukati mu ŵanthu, ŵana ŵinu nawo Hofini ndi Finehasi, ŵafwa, ndipo, bokosi la phanganu laku Chiuta lakwamphulika.”

1 Samuele 4:19

Sono mukumwana wake, muwoli waku Finehasi, wenga ndi nthumbo yo pafupi kupapa. Ndipo wanguti wavwa makani ghakuti bokosi la phanganu laku Chiuta lakwamphulika, ndikuti asibweni ŵake ndi murumi wake ŵafwa, kuŵaŵa kwa nthumbo kungumuŵiya; wangukotama ndipo wangupapa,