1 Samuele 31:7 - Tonga Bible 1986

⁷ Ndipo khamu laku Yisraele lo lenga kusirgha linyake la dambo ndi wo ŵenga kusirgha ku Yordane ŵanguti ŵawona kuti ŵaYisraele ŵathaŵa ndi kuti Sauli ndi ŵana ŵake ŵabayika, ŵangusiya mizi yawo ndi kuthaŵa; ndipo ŵaFilisti ŵanguza ndi kujamo.

1 Samuele 31:7 ပူးပေါင်းရင်းမြစ်များ

ŴaLevi 26:32

Ndipo nkhapasuwanga charu cho, viyo kuti ŵamawongo ŵinu wo ŵajengemo ŵakazizwanga pakuchiwona.

ŴaLevi 26:36

Ndipo ndikatumanga kulakatuka mu mitima yaku wo ŵaku imwe, wo ŵakasiyikangamo po ŵe mu vyaru vya ŵamawongo ŵawo; ŵakathaŵanga pakuvwa muswayo wa jani lakuputa, ŵakathaŵanga ulaka ndi yo wathaŵa lipanga, ndipo ŵakawanga pasi penipo palivi wakuŵandondoloska.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Ŵeruzgi 6:2

Ndipo janja laku Midiyani linguŵa la nthazi pa ŵaYisraele ndipo chifukwa cha ŵaMidiyani, ŵaYisraele ŵangujichitiya mazenje gho ghemu mapiri, ndi zimphanji ndi malinga.

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,

1 Samuele 13:7

pamwenga kwambuka Yordane ku charu chaku Gadi ndi Gileade. Sauli wenga weche pa Gilgala ndipo ŵanthu wose ŵangumurondo ŵakukoreka ndi chitenthe.

1 Samuele 31:6

Viyo ndimu wangufwiya Sauli, ndi ŵana ŵake ŵatatu, pamoza ndi wakupinga vidya vyake, ndi ŵanthu ŵake wose pamoza zuŵa leniliya.

1 Samuele 31:8

Ku mlenji, ŵaFilisti ŵanguza kuzachizuwa milasu, ŵangusaniya kuti Sauli ndi ŵana ŵake ŵatatu ŵafwa pa phiri Gilboa.