1 Samuele 31:2 - Tonga Bible 1986

² Ndipo ŵaFilisti ŵangumurondo Sauli pamoza ndi ŵana ŵake; ŵangubaya Jonafani ndi Abnadabu ndi Malkishua, ŵana ŵaku Sauli.

1 Samuele 31:2 ပူးပေါင်းရင်းမြစ်များ

2 Samuele 1:6

Munyamata yo wanguti, “Mwa mwaŵi ndenga pa phiri la Gilboa; ndinguwona Sauli wagona pa mkondo wake; ndipo ehe, magareta ndi ŵakukwera pa ŵakavalo ŵangufinyirizga.

2 ŴaKaronga 25:7

Ŵangubaya ŵana ŵaku Zedekiya paurongo pake, iyo mweneko ŵangumukolowo maso, ndi kumumanga mu matangaja wanguya nayo ku Babiloni.

1 Mikoka 10:2

Ndipo ŵaFilisti ŵangumusaniya Sauli ndi ŵana ŵake; ŵaFilisti ŵanguŵabaya Jonafani ndi Abnadabu ndi Malkishua, ŵana ŵaku Sauli.

1 Mikoka 8:33

Neri wenga wiske waku Kishi, Kishi wenga wiske waku Sauli, Sauli wenga wiske waku Jonafani, Malkishua, Abinadabu, ndi Ashibala;

1 Mikoka 9:39

Neri wenga wiske waku Kishi, waku Sauli, Sauli waku Jonafani, Malkishua, Abnadabu, ndi Eshibala;

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

1 Samuele 13:16

Ndipo Sauli ndi Jonafani mwana wake, ndi ŵanthu wo wenga pamoza nawo, ŵanguja mu Gibea waku Benjamini; kweni ŵaFilisti ŵangugoŵa mu Mikimasa.

1 Samuele 13:2

Sauli wangusankha ŵaYisraele vikwi vitatu (3,000); vikwi viŵi (2,000) ŵenga ndi Sauli mu Mikimasi, ndi mucharu cha mapiri cha Betele, ndi chikwi chimoza (1,000) ŵanga ndi Jonafani mu Gibeya waku Benjamini; ndipo wangutuma ŵanthu ŵanyake ŵakujapo ku muzi, munthu we yose ku hema lake.

1 Samuele 14:22

Kwakulingana nako, ŵanthu wose ŵaYisraele wo ŵangubisama mu charu cha mtunthu chaku Efraimu wanguti ŵavwa ŵaFilisti ŵathaŵa, nawo so ŵanguŵadikiska ndi ŵanguŵarondo kurwana nawo.

1 Samuele 14:49

Ŵana ŵaku Sauli ŵenga Jonafani, Ishivi, ndi Malkishua, mazina gha ŵana ŵake ŵaŵi ŵanthukazi ghenga agha: wakudanga Merabe, muhurwa wenga Mikala;

1 Samuele 23:17

Wangunena nayo, “Ungopanga; chifukwa janja la ada a Sauli kuti likusaniyenge cha; ukaŵanga karonga pa ŵaYisraele; ndipo ndikaŵanga pafupi nawe; ada nawo a Sauli ŵaziŵa ichi.”

1 Samuele 28:19

Ndipo so Ambuya aperekenge Yisraele pamoza nawe mu janja la ŵaFilisti mawa iwe ndi ŵana ŵako mukaŵanga pamoza nane; Ambuya akaperekanga nkhondo ya ŵaYisraele mu janja la ŵaFilisti.”