1 Samuele 30:26 - Tonga Bible 1986

²⁶ Davidi wanguti waza ku Ziklaga, wangutuma vinyake vya vyakusskoŵa ku ŵabwezi ŵake, ŵara ŵaku Yuda, wakuti, “Ichi nchawanangwa chaku imwe, cha vyakuskoŵa vya ŵarwani ŵa Ambuya”;

1 Samuele 30:26 ပူးပေါင်းရင်းမြစ်များ

Chiyambo 33:11

Londa, nditukuŵeyere, chaulera chondaza nacho kwako, chifukwa Chiuta wandichitiya wezi, ndi chifukwa ndendi vyakukwana.” Viyo wangumuchichizga, ndi wanguvironda.

2 Samuele 1:1

Pavuli pa nyifwa yaku Sauli, Davidi wanguti wawe kukubaya Amaleke, wanguja mazuŵe ghaŵi mu Ziklaga;

2 ŴaKaronga 5:15

Sono wanguwere ku munthu waku Chiuta, iyo ndi mpingu wake wose, ndipo wanguza wanguma paurongo pake, wanguti, “Ndiziŵa kuti mulivi Chiuta mu charu chose chapasi kweni mu Yisraele pe: viyo rondani chaulera chakutuwa ku mteŵeti winu.”

Sumu 35:27

Ŵakambure ndi chimwemwe ndipo ŵakondwe wo ŵanweke urunji paku ine, nyengo yose watinge, “Mbakuru Ambuya, wo akankhaŵiya muchimangu cha mteŵeti wawo!”

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

Yesaya 32:8

Kweni yo ngwakuzirwa wapanga vinthu vyakuzirwa, ndipo watuma mu vinthu vyakuzirwa.

2 ŴaKorinte 9:5

Viyo ndingupima kuti kwenga kwamakhumbikwa kuŵapemberezga ŵabali wo, kuti ŵadanjiyeko kwinu, ndi kuti ŵarongoso chawanangwa chidu chakupangizgikiya limu, chiŵe chakurongosoleka, nge nkhuti mwenga ndi mwamphu kali waku pereke kwambura kuti ulaka ndachita kumuchichizgani.

1 Samuele 18:17

Sauli wanguti kwaku Davidi, “Pano pe mwana wangu munthukazi mura, Merabi; ndikupaskenge kuti waŵe muwoli wako; utenere kundiŵiya wanthazi; rwanga nkhondo za Ambuya.” Sauli wangughanaghana kuti, “Janja langu kuti liŵe paku iyo cha; kweni janja la ŵaFilisti ndilo liŵe pake.”

1 Samuele 25:27

Viyo sono zomerani kuti chawanangwa cho ndamteŵeti winu ndamupingiyani mbuyangu chipaskike ku ŵanyamata ŵakurondo mbuyangu.

1 Samuele 25:28

Ndipempha ndigowokeyeni kwananga kwangu ndamteŵeti munthukazi winu, pakuti nadi Ambuya amuchitiyenge mbuyangu nyumba yakukho, chifukwa mbuyangu waturwa nkhondo za Ambuya; ndipo uheni kuti usanirikengemo mwinu cha mu umoyo winu wose.

1 Samuele 30:20

Wanguto so ng'ombe zose ndi mberere; ŵanthu ŵangukhwema ng'ombe zo paurongo pake, ndipo ŵatinge, “Uwu ndi muskowo waku Davidi.”

1 Samuele 30:25

Ndipo kutuliya pa zuŵa liya mpaka kuurongo wanguliŵika, kuŵa cheruzgu ndi dangu mu ŵaYisraele mpaka ku zuŵa linu.