1 Samuele 3:19 - Tonga Bible 1986

¹⁹ Ndipo Samuele wangukuwa, Ambuya ŵenga nayo ndipo kuti anguzomerezga cha kuti mazu ghawo ghareke kufiskika.

1 Samuele 3:19 ပူးပေါင်းရင်းမြစ်များ

Chiyambo 21:22

Pa nyengo yeniyiya Abimeleke ndi Phikolo wakulamula liŵanja lake la nkhondo wanguti kwaku Abrahamu, “Chiuta we nawe mwaku chenicho uchita;

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Chiyambo 39:2

Ambuya ŵenga ndi Yosefe ndipo wanguŵa munthu wakusakata; ndipo wenga mu nyumba ya mbuya wake mu Egipiti yo,

Chiyambo 39:3

ndipo mbuya wake wanguziŵa kuti Ambuya ŵenga nayo, ndi kuti Ambuya angusakatiska vyose vyenivyo wanguchita mu manja ghake.

1 ŴaKaronga 8:56

“Atumbikike Ambuya wo apaska chipumulo ku khamu lawo Yisraele, kwakulingana ndi vyose vyo angupangana, palivi mazu nanga ngamoza gho ghatondeka kufiskika mu mapangano ghawo ghose ghamampha, gho angukambiya mwaku Mosese mteŵeti wawo.

2 ŴaKaronga 10:10

Iko ziŵani kuti pawulengevi kamoza ko kakawanga ŵaka pasi ka mazu gha Ambuya, gho Ambuya angukamba gha pa nyumba yaku Ahabu, pakuti Ambuya achita cho angukambiya mu mteŵeti wawo Eliya.”

2 ŴaKaronga 15:12

(Ili lenga phanganu la Ambuya lo angupaska kwaku Yehu, “Ŵana ŵako ŵakajanga pa chitengu chaku Yisraele mpaku mgonezi wa chinayi.” Ndipo viyo ndimu kunguŵiya.)

2 ŴaKaronga 22:16

Viyo atiti Ambuya, Awona, ndikatolenga chiheni pa malo yagha ndipa ŵakujamo ŵake, mazu ghose gha buku ili gho karonga waku Yuda waŵerenga.

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yesaya 55:11

viyo ndimu ghakaŵiyanga mazu ghakutuwa mu mlomo wangu; kuti ghakawerenga kwangu ghambura kanthu cha, kweni ghakafiskanga chinecho ndakhumba, ndi kusakata mu chinthu cho ndingughatumiyako.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Luka 1:28

Ndipo wachisere mungelo yo kwaku iyo, wanguti, “Mauleni, msani yawezi we, Ambuya ŵe nawe.”

Luka 1:80

Ndipo ko kana kakuwanga, ndi kadimbanga mu mzimu; ndipo kaŵanga mu mabozwa mpaka zuŵa la chirongoleka chake kwaku Yisraele.

Luka 2:40

Ndipo kana ko kangukuwa, ndi kadimbanga, kakuzazika ndi zeru: ndipo wezi waku Chiuta wenga pake.

Luka 2:52

Ndipo Yesu wakuwanga mu zeru ndi mu msinkhu, ndi mu wezi kwaku Chiuta ndi ŵanthu.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

2 ŴaKorinte 13:14

Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.

Marangu 18:22

Asani mchimi wakambiya mu zina la Ambuya, ndipo cho wakamba chifiskika cha, pamwenga kuti kurongo cha kuti ngakuneneska, gho ndigho mazu ghenigho Ambuya alivi kukamba, mchimi wakamba ichi kwakubwetuwa waka, mungamopanga cha.

2 Timote 4:22

Mbuya waŵe ndi mzimu wako Wezi uŵe namwe.

Yoswa 21:45

Pengavi limoza la mapanganu ghose ghamampha gho Ambuya anguchita ku nyumba yaku Yisraele lingutondeka; ghose ghangufiskika.

Ŵeruzgi 13:24

Ndipo munthukazi wangupapa mwana munthurumi, wangumudana zina lake Samsoni; mhurwa yo wangukuwa, ndipo Ambuya angumutumbika.

1 Samuele 10:7

Viyo asani visimikizgu ivi vyakufikiya, ipo chitanga cho chose janja lako lingaziŵa kuchita, pakuti Chiuta we nawe.

1 Samuele 12:2

Sono, ehe, karonga watenda paurongo pinu, Ine ndakota ndendi nyivu, awonani, ŵana ŵangu ŵe pamoza namwe; ndipo ndenda paurongo pinu kutuwa pa unyamata wangu mpaka zuŵa linu.

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 Samuele 18:12

Sauli wanguŵa ndi mantha paku Davidi, chifukwa Ambuya ŵenga nayo, wangutuwako kwaku Sauli.

1 Samuele 18:14

Ndipo Davidi wanguchita umamphavi nchitu zose zo zingupaskika kwake; chifukwa Ambuya ŵenga nayo.

1 Samuele 18:5

Davidi wangutuwa kuruta ndipo wanguchita umampha kose ko Sauli wangumutuma, rekani Sauli wangumuŵika pachanya pa ŵankhondo. Ndipo ichi chinguŵa chakunozga mu maso gha ŵanthu wose ndipo ndi mu maso gha ŵateŵeti ŵaku Sauli.

1 Samuele 2:21

Ambuya angukumbuka Hana wanguŵa ndi nthumbo ndipo wangupapa ŵana ŵanthurumi ŵatatu, ŵanthukazi ŵaŵi. Ndipo mhurwa Samuele wakuwanga pa maso gha Ambuya.

1 Samuele 2:26

Mhurwa Samuele wangurutiriya kukuwa mu umampha wakurumbika ndi Ambuya ndipo so ndi ŵanthu.

1 Samuele 9:6

Mteŵeti wake wanguti kwaku iyo, “Awona mu msumba uwu mwe munthu, ruta kweniko; panyake wangutinene ndi za lwendo lidu ili tenalo.”