1 Samuele 26:19 - Tonga Bible 1986

¹⁹ Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’

1 Samuele 26:19 ပူးပေါင်းရင်းမြစ်များ

Chiyambo 44:18

Sono Yuda wanguza kwaku iyo, wanguti, “Mbuya wangu, ndipempha iwe kuti muteŵeti wako, wakambe mazu ghamoza ku makutu gha mbuya wangu, ndi ukari wako ureke kukole pa mteŵeti wako; pakuti we uli ndi Farao mweneko.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

2 Samuele 14:16

Pakuti karonga wakavwanga, ndipo wataskenge mteŵeti wake ku janja la munthu yo wakhumba kunanga umoyo wangu pamoza ndi umoyo wa mwana wangu kutituzgako ku chihara chaku Chiuta.’

2 Samuele 16:10

Kweni karonga wanguti, “Kumbi ndendi kanthu uli ine ndi imwe, mwa ŵana ŵaku Zeruya? Asani watukiya pa chifukwa chakuti Ambuya amunene kuti, ‘Mutuki Davidi,’ ndiyani nanga yo wakambenge chifukwa, ‘Nchine wachita viyo?’ ”

2 Samuele 16:11

Davidi wangunena ndi Abishai ndi ku ŵateŵeti ŵake wose, “Awonani, mwana wa mumoyo mwangu ndiyo wapenja umoyo wangu; ipo uli ukongwako muBenjamini uyu! Murekeni, watuki; pakuti ndimo Ambuya amunene.

2 Samuele 20:19

Ine nde yumoza waku ŵeniwo mbachimangu ndi ŵakugomekezgeka mu Yisraele; mupenja kubwanganduwa msumba wo ndi nyinawo mu Yisraele, chifukwa nchine mumezenge msumba wa Ambuya?”

2 Samuele 21:3

Davidi wangunena ndi ŵaGibeoni, “Ndimuchitiyeninginje ndipo ndingapepeska uli, mwakuti mutumbike ŵanthu ŵa Ambuya?”

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

1 ŴaKaronga 22:22

Ndipo Ambuya anguti kwaku wo, ‘Ndifundu uli?’ Ndipo unguti, ‘Ndikarutanga kwenikuwa, ndi po ndamkuŵa mzimu wakupusika mu mlomo wa ŵamchimi ŵake wose.’ Ambuya anguti, ‘Wakumunyengadi, ndipo wamkumugoda; rutanga ukachite viyo.’

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

Sumu 120:5

Kuja mukati mwinu nkhuheni nge nkhuja mu Mesheke, pamwenga mukati mu mahema ghaku Kedara!

Sumu 20:4

Wakupaske nge nkhunkhumba kwa mtima wako, ndi kufiska fundu zako zose!

Nthanthi 30:10

Ungamupusikiyanga mteŵeti ku mbuyake, vinu wangamutemba ndipo ususkikenge.

Yesaya 60:5

Sono ŵakawonanga ndipo ukaŵalanga ndi chimwemwe mtima wako ukaziyanga ndi kujikuzga; chifukwa usambasi wa nyanja ukang'anamukiyanga kwaku iwe, usambasi wa mitundu ukazanga kwako.

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

Maŵerengedu 36:7

Chihara cha ŵaYisraele chireke kusinthika kutuwa ku fuku ili kuya ku fuku kiya; yose wa ŵaYisraele wakamelemetiyanga ku chihara cha fuku la suskeu.

Maŵerengedu 36:9

Viyo palivi chihara cho chikasinthikanga kutuwa ku fuku limoza kuya ku linyake; chifukwa fuku ndi fuku likamelemetiyanga ku chihara chake.’ ”

ŴaRoma 14:15

Asani pa chifukwa cha kurgha kwako mbali wako wakwininiskika, kuti utenda so cha mu chanju. Ungamunanganga yo cha ndi kurgha kwake mpha chifukwa chaku mweniyo wangufwiya Kristu.

ŴaGalatia 5:12

Mphanyi kuti wo ŵati kutimbanizgani ŵangajitemuwako ndipo.

Marangu 13:3

mungategherezganga mazu gha nchimi yo cha, pamwenga wakulota maloto yo cha. Chifukwa Ambuya Chiuta winu watumwesani kuti waziŵe pamwenga mutuŵanja Ambuya Chiuta winu ndi mtima winu wose ndi umoyo winu wose.

2 Timote 4:14

Alekezandara msulasapuli yo wangundichitiya viheni vinandi: Mbuya wamwerezgiyenge kwakuyana ndi nchitu zake:

1 Samuele 18:10

Kunguti kwacha ndi mlenji mzimu uheni ungumufikiya Sauli kutuliya kwaku Chiuta, ndipo wabwebwetanga mu nyumba yake, po Davidi wambanga kaligu; nge ndimo wachitiyanga mazuŵa ghanyake; Sauli wenga ndi mkondo mu janja lake.

1 Samuele 24:9

Ndipo wanguti kwaku Sauli, “Chifukwa nchine mutuvwa ku makambiru gha ŵanthu wo ŵatiti, ‘Awonani, Davidi wapenja kumupwetekani?’

1 Samuele 25:24

Wanguwa pa marundi ghake wanguti, “Pakuti pe mbuyangu, paku ine pe paŵi mlando uwu; zomerani kuti ndamteŵeti munthukazi winu ndirongoro mu makutu ghinu, ndipo vwani mazu ghaku ndamteŵeti munthukazi winu.

1 Samuele 27:1

Ndipo Davidi wanguti waghanaghana mu mtima wake wanguti, “Ndifwenge zuŵa linyake ku janja laku Sauli; palivi so kanyake kamampha kwangu kwakuruska kuti ndithaŵiye ku charu cha ŵaFilisti; mpaka po Sauli wavukenge kundipenja mukati mu mphaka za ŵaYisraele, ndipo ndikapozomokanga mu janja lake.”