1 Samuele 26:12 - Tonga Bible 1986

¹² Viyo Davidi wanguto mkondo ndi msuku wa maji ku mutu waku Sauli; ndipo wanguruta. Panguŵavi munthu yo wanguchiwona ichi, nanga nkhuchiziŵa chingana nkhuti wayukepo munthu nako cha; wose ŵangugona chifukwa Ambuya anguŵapaska tulo tunandi to tunguŵaŵiya.

1 Samuele 26:12 ပူးပေါင်းရင်းမြစ်များ

Chiyambo 15:12

Lichisere lumwi, tulo tuzitu tunguŵa paku Abramu ndipo ehe, mdima wakofya ndi ukuru unguŵa paku iyo.

Chiyambo 2:21

Viyo Ambuya Chiuta wanguchita tulu tukuru kuŵa pa munthu yo, ndipo penipo weche kura wanguto yimoza ya mbaghara zake ndipo pa malo pake wangujarapo ndi nyama;

Estere 6:1

Usiku uwa tulu twa karonga tingukamuka, ndipo wangulangula kuti ŵazi nalo buku la mkoka, ndipo linguŵerengeka paurongo pa karonga.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

1 Samuele 24:4

Ndipo ŵanthu ŵaku Davidi ŵangunena nayo, “Lino ndi zuŵa lo Ambuya atimukambiyani kuti, ‘Awona, ndampereka murwani wako mu janja lako ukamuchitiyanga chose cho nchamampha kwako.’ ” Penipo wangusoka Davidi mwauchenjezi wangudumuwako mkano wa khanju laku Sauli.

1 Samuele 26:13

Sono Davidi wangwambukiya kusirgha linyake, ndipo wanguma patali pachanya pa phiri, penga mtunda utali pakati pawo;

1 Samuele 26:7

Viyo Davidi ndi Abishai wanguruta ku nkhondo ndi usiku; ndipo Sauli wangula tulo pakati pa ŵankhondo, mkondo wake wajunthika pasi pafupi pa mutu wake; Abnere ndi nkhondo yose ŵangugoŵa kwakumuzunguliya.