1 Samuele 26:11 - Tonga Bible 1986

¹¹ Ambuya akana kuti ndisoske janja langu pa wakupakika wa Ambuya; kweni iwe uto mkondo wo we kumutu, ndi msuku wa maji, tirutenge.”

1 Samuele 26:11 ပူးပေါင်းရင်းမြစ်များ

2 Samuele 1:14

Davidi wanguti, “Chifukwa nchine wengavi mantha kutambasuriya janja lako kunanga wakupakika wa Ambuya?”

2 Samuele 1:16

Davidi wangunena nayo, “Ndopa zako ziŵi pa mutu wako; pakuti mlomo wako wakuŵiya kaboni wamweni, kuti, ‘Ndabaya wakupakika wa Ambuya.’ ”

2 Samuele 19:22

Kweni Davidi wanguti, “Ndenamwe ndi kanthu uli imwe, mwa ŵana ŵaku Zeruya kuti msana wale muŵi nge ngwakupindikana nane? Kumbi munthu wangabayika mu Yisraele msana wale? Kumbi kuti ndiziŵa cha kuti zuŵa lino nde karonga pa ŵaYisraele?”

Sumu 17:4

Nge nkhu nchitu za ŵanthu, ndajisunga ku nthowa za chiwawa; ndi mazu ghamu mlomo winu.

ŴaRoma 12:17

Mungawerezge yumoza cha uheni pa uheni. Phwereni vyaulemu pa maso paku wose.

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

1 Samuele 12:3

Ndepano, ndisimikizgiyeni paurongo pa Ambuya ndi pa wakupakika wake. Ndato ng'ombe yaku yani? Pamwenga ndato mbunda yaku yani? Ndapusika yani? Ndakandirizga yani? Pamwenga nkhu janja laku yani ko ndaronde chimbundi kuti ndijari nacho maso ghangu? Ndisimikizgiyeni ndipo ndikawerezgiyangapo.”

1 Samuele 24:12

Ambuya ŵeruzge pakati paku ine ndi imwe, Ambuya ndiwo awezge thayu paku imwe kweni janja langu kuti limikanenge namwe cha.

1 Samuele 24:4

Ndipo ŵanthu ŵaku Davidi ŵangunena nayo, “Lino ndi zuŵa lo Ambuya atimukambiyani kuti, ‘Awona, ndampereka murwani wako mu janja lako ukamuchitiyanga chose cho nchamampha kwako.’ ” Penipo wangusoka Davidi mwauchenjezi wangudumuwako mkano wa khanju laku Sauli.

1 Samuele 24:6

Wanguti ku ŵanthu ŵake, “Ambuya akana kuti ndichiti chinthu ichi ku mbuyangu kuti ndimusoske janja langu kumikana nayo, pakuti ngwakupakika wa Ambuya.”