1 Samuele 26:10 - Tonga Bible 1986

¹⁰ Davidi wanguti, “Mo aliri Ambuya amoyo, Ambuya amubayenge; pamwenga zuŵa lake likazanga wafwenge; pamwenga wasikiyenge ku nkhondo ndi kwachimariya kweniko.

1 Samuele 26:10 ပူးပေါင်းရင်းမြစ်များ

Chiyambo 47:29

Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Jobu 14:14

Asani munthu wafwa, kumbi wakaŵanga so wamoyo? Mphanyi ndarindizga mazuŵa ghose gha uteŵeti wangu, mpaka kuzi kufwatulika kwangu.

Jobu 14:5

Pakuti mazuŵa ghake ngakugota, ndi unandi wa mazuŵa ghake we ndi imwe ndipo ndimwe mwamika chigoti chake kuti wareke kujumpha,

Jobu 7:1

“Kumbi munthu walive mlimu unonono pa charu? Kumbi mazuŵa ghake kuti ghayanacha ndi mazuŵa gha wanchitu wake?

Sumu 37:10

Kwaja kanyengo kamanavi, muheni kuti wakaŵangapo so cha; nanga uwonapo umampha pa malo ghake, iyo kuti wakaŵangapo cha.

Sumu 37:13

kweni Ambuya atimuseka muheni, pakuti awona kuti zuŵa lake likazanga.

Sumu 94:23

Wakaŵalanganga chifukwa cha mauheni ghawo, ndi kuŵabwanganduwa chifukwa cha vilakwa vyawo; Ambuya Chiuta widu waŵaparghang'enge.

Wakutaula 3:2

nyengo yakupapikiya, ndi nyengo yakufwiya; nyengo yakupandiya, ndi nyengo yakuzuliya cho chingupandika;

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

Marangu 31:14

Ndipo Ambuya anguti kwaku Mosese, “Ehe, mazuŵa ghaŵandika mwaku gho ufwiyenge, udane Yoswa ndipo muzijirongo mwija mu hema lakuwunganamo alinga kuti ndimupaske mazaza.” Ndipo Mosese ndi Yoswa ŵanguruta ndi ŵangujirongo ŵija mu hema lakuwunganamo.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

ŴaHebere 10:30

Chifukwa timziŵa yo wanguti, “Thayu ndangu, ine ndamwerezgiyapo.” Ndipo so, “Mbuya weruzgenge khamu lake.”

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Chivumbuzi 18:8

Chifukwa chenichi mu zuŵa limoza vikazanga videru vyake, nyifwa ndi chitenje ndi chilala; ndipo wakafyanga mu moto: chifukwa mbanthazi Ambuya Chiuta, wo atumweruzga.”

1 Samuele 24:12

Ambuya ŵeruzge pakati paku ine ndi imwe, Ambuya ndiwo awezge thayu paku imwe kweni janja langu kuti limikanenge namwe cha.

1 Samuele 24:15

Ambuya ndiwo aŵe ŵeruzgi, apaske cheruzgu pakati paku ine ndi imwe, awone, andikambiye mlando wangu, anditaske mu janja linu.”

1 Samuele 25:26

Iko sono, mbuyangu, Ambuya amoyo, ndipo mo muliri amoyo pakuwona kuti Ambuya amukanizgani ku mlando wa ndopa, ndi kukuwezge nduzga mwaŵeni ndi janja linu, sono mphanyi wose ŵarwani ŵinu ndi wose wo ŵapenja kuchitiya uheni mbuyangu ŵaŵe nge ndi Nabala.

1 Samuele 25:38

Ndipo pavuli pa mazuŵa chumi Ambuya angupuma Nabala; ndipo wangufwa.

1 Samuele 25:39

Davidi wanguti wavwa kuti Nabala wafwa, wanguti, “Atumbikike Ambuya wo awezge nduzga kupwetekeka ko ine ndinguronde pa janja laku Nabala, ndipo wasungirizga ndamteŵeti wake ku kwananga, Ambuya awezge uheni waku Nabala pa mutu wake.” Ndipo Davidi wangutuma kwa chifumba Abigaili, kuti waŵi muwoli wake.

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.

1 Samuele 31:6

Viyo ndimu wangufwiya Sauli, ndi ŵana ŵake ŵatatu, pamoza ndi wakupinga vidya vyake, ndi ŵanthu ŵake wose pamoza zuŵa leniliya.