1 Samuele 25:21 - Tonga Bible 1986

²¹ Kweni Davidi wanguti, “Kwakuneneneska ndajisuzganga waka pakusunga vyose vyo munthu uyu wanguŵa navyo mu bozwa, mwakuti kuti kangutayikapo kanthu nanga nkhamoza cha kaku vyose vyo wenga navyo; ndipo wandiwezge uheni pa umampha.

1 Samuele 25:21 ပူးပေါင်းရင်းမြစ်များ

Chiyambo 44:4

Ŵanguti ŵenda mtunda umanaviweni kutuwa ku msumba wo, Yosefe wanguti ku mura wake wa nyumba, “Soka rondo ŵanthu wo, ndipo asani waŵasaniya, ukambe kwaku wo, ‘Chifukwa chine mwawezge uheni pa umampha? Chifukwa chine mwaba kapu wangu, wa siliva?

Jobu 30:8

Ŵana ŵa vindere, ŵana ŵa mbiri yiheni, ŵathyapulika ndi kuchimbizgikiya kutali kutuwa mu charu.

Sumu 35:12

Watindiwezge uheni pa umampha; mzimu wanguuyuzgika.

Sumu 37:8

Tuwako ku ukari, utaye kandundu! Reka kujikweŵeska, ichi chirongozge ku kwananga.

Sumu 38:20

Ŵakundiwezge uheni pa umampha mbarwani ŵangu, chifukwa ine ndirondo cho nchamampha.

Nthanthi 17:13

Asani munthu wawezge uheni pa umampha, uheni kuti ukatuwangako cha ku nyumba yake.

Yeremiya 18:20

Kumbi uheni ndi mphoto ya umampha? Kweni iwo ŵakumbiya mbuna umoyo wangu. Kumbukani mo ndingumiya paurongo pinu kuŵakambiya umampha iwo, kutuzgako ukari winu kwaku iwo.

ŴaRoma 12:21

Ungagodeka ndi uheni cha, kweni ugode uheni wo ndi umampha.

ŴaEfeso 4:26

Tundiyani, ndikweni mungalakwanga cha: pa chikaralizga chinu lingasere dazi cha:

ŴaEfeso 4:31

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose:

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

1 Petro 3:17

Chifukwa nkhwamamphako ukongwa, asani khumbo laku Chiuta lingakhumba viyo, kukomwa uli mbakuchita umampha kwakuruska nge mbakuchita uheni.

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

1 Samuele 25:13

Ndipo Davidi wanguti ku ŵanthu ŵake, “Munthu yose wamangiriye lipanga lake!” Ndipo munthu yose waku iwo wangumangiriya lipanga lake, Davidi nayo wangumangiriya lipanga lake, akhumba ŵanthu machumi pe chumi ghanayi (400) ŵangukwera pavuli paku Davidi; penipo ŵanthu machumi pe chumi ghaŵi (200) ŵangu ja ndi ŵakatundu.

1 Samuele 25:15

Kweni ŵanthu wo ŵangutichitiya umampha ifwe, palivi ko kangutipweteka po tenga mudondo, palivi kanthu ko tingutayapo, po pose tingwenda pamoza nawo,

1 Samuele 25:20

Kunguŵa kuti wachija iyo pa mbunda, wachisikiya kurweka la phiri mwakubisama, wonani, Davidi ndi ŵanthu ŵake wasikanga mwakuthoŵezgana nayo, ndipo wangukumana nawo.

1 Samuele 25:7

Ndinguvwa kuti wenawo ŵakusenga; po ŵaliska ŵako ŵenga ndi ifwe kuti tinguŵachitiya kaheni cha, palivi kanthu ko kangutoreka kaku iwo, nyengo yose yo ŵanguŵiya mu Karmele.